Details

Latitude

25.234

Longitude

96.9165

Start Date

2020-09-13

End Date

2020-09-13

Transcription (La Ring) Sumprabum ngu ai gaw moi gaw mare nnga ai da law raitim mung e ndai Japan majan e Japan ni English ni gahti galai rai shang di i de la ai re. Sumpra nam sumpra le sumpra ung sumpra hkrai tu ai bum kaw hpun kaba ntu ai majaw hkyen loi ai i bai mada dawng ai shara re majaw bum tsaw shara re majaw ndai American ni English ni dai kaw shara jahkrat ai nga Dai majaw Sumprabum ngu shamying ai mi na shi e madung gaw Manan Hkang Sumpra ngu ngu ai. Dai gaw moi na jiwoi jiwa ni nat hkindat mying ma lawm ai i Manan Hkang Sumpra ngu ai. E ndai gaw Manan Hkang Sumpra gaw htaw Hpuk Ing hka ndai maga i dingdung maga gaw dai de maga nang maga gaw Zenan hka du hkra gaw Manan Hkang Sumpra area re hku rai nga gaiwang re hku rai nga. Rai sa rai yang gaw ya e ya ngai gaw Mali hkrang walawng e shangai ai kasha rai nga yang gaw Mali hkrang walawng gaw hpa majaw Mali hkrang walawng ngu tsun a ta nga jang gaw dingdung maga de na gaw Mali hka lwi hkrat wa ai. Mali hka kaw she sinpraw maga na hkrang hka ngu ai hka tsawm ra kaba ai Mali hka hta e chyi mi nun re hkrang hka ngu ai lwi shang wa ai. Dai zinlawng hpe Mali hkrang walawng ngu ai. Gai Mali hkrang walawng a lahta yang gaw hpabaw walawng bai nga ta nga jang Jahti e Mali hkrang walawng a lahta kaw gaw Hpatchyai walawng ngu ai nga ai. Hpat hka hte Chyai hka zinlawng dai hpe Hpathka walawng ngu ai. Ndai Mali hkrang kaw na lawu yang gaw hpabaw zinlawng hpabaw walawng nga a ta nga yang Shadi hkrang walawng ngu ai nga ai. Mi na Mali hkrang walawng jarit i Hkrang hka hte Jahti hka zinlawng dai hpe Jahti hkrang walawng ngu shamying ai. Bai Jahti hkrang walawng hte e lawu yang gaw dingda maga hkanam maga grit gaw Mali Nmai walawng bai ngu sa. Mali hka hte Nmai hka zup ai zinlum zinlawng dai hpe Mali hkrang Mali hkrang walawng ngu ai. Dai de walawng walawng walawng nga ai walawng nre i walawng "Walawng hkawng numlun lawt numma yang ja hkun lawt" nga ai e dai hpe tsun ai. Walawng walawng nga shamying ai. Kaga de chyawm gaw grai gaw she nnga na walawng raitim mung wo ra de gaw walawng dai wa hpa rai ginhka a ta nga jang e moi gaw gumchying gumsa prat re majaw gaw gumchying gumsa du ni shanhte a lamu ga up hkang loi na matu dai masat da na shamying da ai lam chye lu ai i hka kaba kaba tsawm ra kaba kaba re ni hpe madin dat nna shanhte up hkang ai lam hpe mu lu ai. Dai hpe e hpang de English atsuya up wa ai shaloi mung dai hpe shagrin ya ma ai walawng ngu hpe shagrin ya daini du hkra dai walawng ni gaw shingteng amying ni gaw nga nga ai hku rai nga. Masha gaw nnga ai ya htaw Hpatchyai walawng dai gaw masha nnga sai raitim Hpatchyai walawng dai hku shingteng amying gaw naw nga ai.

Sources