Details

Latitude

25.234

Longitude

96.9165

Start Date

2020-01-12

End Date

2020-01-12

Shagrim ga a lam, Shagrim ga mare gaw Putao ginwang Machyang Baw ninghtawn kata na mare langai mi re ai. Machyang Baw (Myo) kaw na miles deng (38)-(40) daram tsan ai, Machyang Baw (Myo) kaw na sa wa yang N-wawn ga dai kaw na lai Hti hka mahkrai rap, Alang Ga mare kaw du, Alang Ga mare kaw na lai, N-moi bum kadawng lung, dai kaw na Htang Ga mare du, Htang Ga mare lai, Hta hka rap nna sa wa yang Kawn Latsa Ga mare kaw du, dai kaw na lai Shan hka hpri sumri mahkrai rap nna sa wa yang Shan Gum ga mare kahtawng lam braw kaw du sai. Dai kaw na mile, deng mi jan daram hkawm yang Gyet hka ngu ai hka loi kaba moi (English) shan hpraw ni htan ai hpri sumri mahkrai hkrai ai kaw du sai. Dai Gyet hka hkahku hka deng kaw bum kaba langai mi nga ai, Dai bum hpe Lalang gyi bum ngu shamying ai, Gyet hka hpri sumri mahkrai rap sa wa yang (hpa-lung) mali daram hkawm ai shaloi, Shagrim ga mare moi (English) shan hpraw du ni a yup hkring sa shara Baw-de kaw du sai. Baw-de hte maren lapran hka langai nga ai, Hka a mying Gadak hka, Gadak hka hpun lakang mahkrai htan ai hta laiwa laisa galaw ai, mare masha ni ja lu ai hka re, Shagrim ga mare kaw Pa layang nre, kawng marawn mung nre, grai htuk manu ai mare, mare baw de loi mi tsaw, mare htumpa de loi mi nem mare htum pa de lam langai nga ai, mare shing nawm ngu na lam makau kaw lup wa galaw ai, dai kaw na yu ai shaloi, hka langai nga ai. Hka a mying N-shang hka ngu ai re, Nga grai nga ai, ndai lam gaw Nga hkwi, Yi hkyen sa lam sha n rai, Shanoi ga, Shinggai ga, Nawng Mun de sa ai lam mung re ai. Machyang Baw kaw na Shagrim ga de sa ai lam n-maw gaw Shagrim.. Shagrim Baw ..Baw de kaw na lai Hkawng Lang Hpu (Myo-nay) miwa ga jarit ram re, Moi (1960) ning oh ra maga laiwa laisa lam Hkan Dawk lam, Hkan Dawk lam re, (1950-1952) ning hta Miwa (Kum-myu-nit) tara hpe hkrit nna, Miwa mung kaw nga ai myu ni Lisu.. Lisu ni jinghpaw mung de hprawng shang wa ai, lam mung re, Ningsin Ninghtoi Kagyin kayan zawn yan shang wa ai hpe matsing ai, lam hkan Langa lap hte magap yup nhtoi grai nhtoi yang rawt sai, Ginru Ginsa, N-rin ginsa sa n jing ai baw ngu na kun.. Shagrim ga makau kaw lwi ai hka langai Gyet hka, lahkawng Gadak hka.. Gadak hka, masum N-shan hka ndai hka kaw nga ai Nga shan gaw jum majap shakau shaban bang n ra ai, grai mu ai namchyim shum ai, laga hkarang shan ni mung dai hte maren hpa majaw nga yang jum sha-it nga ai, dai hta nam Nga hkum sum hpa chyu ai majaw grai shum ai, Lagat hpun, Gyit gu hpun si sha ai U hkum sum hpa hkwi lu hkwi sha gap la lagat, Gat-dung, Gat-hkyen, Gat-chyang shan sha she n ma, Gat-dung bye wa noi shaya noi abya gadoi di la hkru hkra lu la sha la n ma ai hpe nta de gun wa nta masha yawng gam sha, pyaw la ai shara Shagrim ga nye a dai daw shara ngut sai.

Sources