Details

Latitude

25.234

Longitude

96.9165

Start Date

2020-01-11

End Date

2020-01-11

Transcription (La Ring) Moi Nawng Hkying mare kaw mare shawng nnan de ai hte mare masha ko-htu-ko-hta hku na sarama langai hpe e tsang langai du hkra hpaw hpang ai. Dai kaw mare masha ni i dai hku na hpang ai. Hpang daw de gaw ndai hpung anhte hkalup hpung hku na Hpung Jawng ngu na hpaw ai. Hpung Jawng nau na hpaw ai hta e anhte tsang lahkawng du hkra hpaw ai. Rai na hkying mi jahku tsa kru shi manga ning kaw na gaw atsuya jawng hpaw hpang wa sai. Atsuya jawng lawu tsang jawng mu-la-dan ndai hpe e hpaw hpang wa ai. Dai mu-la-dan (primary school) gaw shi ning daram hpaw ai hpang e mu-lon (post primary school) ngu ai i ndai bai lu ai. Dai mu-lon ngu ai lu ai hpang lapran tsang jawng i Pat Ka lapran tsang jawng bai lu. Dai kaw nna ya gaw daing chyaung-hkoi ahtet dan jawng i (high school) ahtet-dan-chyung-hkoi (high school branch) bai lu sai. Rai jang gaw ndai mare kaw gaw hpaji hte seng na gaw lahta tsang jawng rai sai hku re. Rai na anhte ndai hpaji sharin hkam la ai mare masha ni a lam hpe tsun ga nga yang gaw moi lawu tsang jawng sha naw nga ai ten gaw lawu tsang tsang mali du hkra i chye ai ni gaw grai law ai. Dai kaw na hpa majaw dai kaw na nlai ai i nkau mi nlai ai i nga yang gaw myu de sa lung ra ai i e ndai lawu tsang jawng ngut ai hte myu de sa lung ra ai. Myu de sa nga na shara nnga ai jinghku nnga ai. Dai majaw gaw ndai myu de jinghku nga ai ni chyu sha ndai kaw lawu tsang tsang mali awng na myu de sa lung matut ai hku rai nga. Rai jang gaw hpang daw de chyawm gaw lapran tsang jawng lu madang du wa jang gaw myu de lung ai ni mung law wa tsang shi awng ai ni mung law wa sai. Ya lahta tsang jawng bai lu wa jang gaw tsang shi awng ai ni gaw grau law wa sai. Dai hte maren gaw anhte ndai janmau lu ai ni mung grai law wa sai hku re. Raitim mung anhte kaw ndai Engineer ni mung rai nlu ai i hpaji chye ai kaw doctor mung rai nlawm ai. E janmau lu ai ni law tim mung grai wa ningtawn ai hpaji janmau gup ai ni gaw nau nlawm shi ai hku rai nga.

Sources