Details

Latitude

25.234

Longitude

96.9165

Start Date

2019-05-13

End Date

2019-05-13

Transcription (La Ring) E ya ndai anhte Manmaw mare de e Jinghpaw ni Kachin ni Wunpawng ni du shang wa ai lam hpe e tsun ai shaloi Manmaw mare hpe e kade ning gara shaning hkan e kadai wa shawng gaw de hpang ai lam tawk hprut ngu na adan apra ngu na ka ai lam gaw nmu lu ai. Raitim mung ndai Dukaba Hpaugan Naw Li e ka da ai Zauwi La Ja Wi La ngu rai nga "Wi La Ta" labau laika hta e A.D jahku tsa sumshi ning hkan e ndai Manmaw ga Loilung bum de Jinghpaw ni du bang wa sai ngu na shi ka ai. Rai nna ndai laika ka shara Kyaw Than Myint ka da ai laika hta e "Aik Hkaw Doe Say Thi Taw Thamaing" ngu ai dai kaw e Khawsar thetkarit mali tsa A.D hkying mi e sumshi matsat ram e Manmaw mare hpe Tulin Zaw Bwar ngu ai Sam gumchying gumsa du magam wa up hkang ai ngu na shi ka da ai. Ndai Dip ka sara Bamaw Zaw Aung ngu ai ka da ai "Bamaw myu ta ta oo ei mat dan" ngu ai laika dai kaw gaw A.D hkying mi sanit tsa rai ndu shi yang shawng na Manmaw mare gaw ya na dai Myu Thit mare lahta Si Het, Si Kaw Je Hkak Je Gau ndai lapran e de ai ngu na tsun ai. Shing rai ya Manmaw ga gaw A.D hkying mi sanit tsa a hpang daw jahtum daw hta she ndai Kawng Dung mare ndai Manmaw lawu deng jahku e ndai Mali hka kau kaw e de da ai Kawng Dung mare ndai hte e rau run rai na hpaga hku htawt sit bai de ai lam ka da ai. Dai aten Manmaw mare hpe e Miwa gaw Sin Gai ngu tsun ai gat ning nan ngu ai re da shi na lachyum gaw. Ga lachyum gaw dai hku re da ndai gara hku mi nga nga ndai A.D hkying mi sanit tsa ning a shawng jau jau kaw nna Manmaw mare gaw Miwa hpe e Miwa hte e ndai hpaga yumga ga e lawli lawlai pru pru shang shang e an taw nga ai lam hpe e mu lu ai. E Jinghpaw du magam ni Myen hkaw hkam hte e hpaji chyam ai jinghku hku ai mayu dama num jaw num ya rai na galaw ai e Sam gumchying gumsa du magam ni hpe e mung Sam Manmaw ga kaw e Jinghpaw ni ginru ginsa yu e jinat makam hpe machyu laili laika gaw bai nlu e zai gaw rawng tim byeng ya kata re ai aten hta e ndai Sam masha ni hpe gaw anhte a jinghku hku nna hku la nna Sam Hkai ngu nna e woi de woi pra ai lam hpe e mu lu ai. Dai gaw ndai anhte Manmaw ga Manmaw mare hpe e de wa ai lam re ai.

Sources