Details

Latitude

25.234

Longitude

96.9165

Start Date

2019-01-31

End Date

2019-01-31

Transcription (La Ring) Um anhte Putao mung de moi shawng de gaw Myen du ai ngu nnga ai. Raitim mung labau daw hta e "Myen bai kadawng" law nga ni nga ai bai nhtawm me wo ra masum zup kaw wo ra sai hka ngu ai Myen ni hte gasat hkat ai Ndawng Naw Prip ngu ai dai ni hte gasat hkat ai majan ni nga ai. Ndai shawng nnan gaw majan hkat hpang ai gaw Ndawng Nawng Prip ni hte ndai majan hkat hpang ai shaloi gaw majan hkat hpang ai gaw ndai mi ndai anhte Ndawng bum Zau Ra wa ngu ai kaw gaw ndai ja u Kai Seng nga ai da law. Ja u Kai Seng nga ai ndai hpe e Myen hkaw hkam ni na ai. E ja u Kai Seng ngu ai ndai ja u goi wa jang hpaga htingga ni grai pru wa ai nga. Rai yang gaw Myen hkaw hkam ni gaw ndai hpe grai la mayu kashun mayu rai na dai hku na majan baw ai nga. Dai majaw shawng nnan dai hpe n-gun maja e kashun la mayu ai hpe ndai Ndawng Nawng Prip ni hte ndai wo ra masum zup kaw e sai hka ngu ai dai kaw shada da kahtam hkat ai gasat hkat ai nga gaw dai ga hpunggaw kaw e. Dai hku na majan ni byin pru ai nga dai kaw na shanhte gaw majan sum nna bai wa ai. Dai majaw hpang e ndai nang Shang Neng ga de mung Myen ni bai du wa ai. Myen ni du wa jang gaw ndai Ndawng bum hpe nang lahta kaw na bai e Shang Neng ga hku nna bai lai rai nhtawm me Ndawng bum ndai Ndawng bum Zau Ra majan mi ja u Kai Seng nga ai shara hpe e sa wang la na ngu. Dai Shang Neng ga kaw du jang gaw ndai Ntu Nban Kep Shang Tang Shang Ntu Nban amyu ni hte bai hkrum ai da ndai Jinghpaw amyu ni rai nga. E shanhte dai ni hte hkrum yang she lani mi na nhtoi hta gaw ndai hka nang de gaw marang shinglet nga ma ai nang de na ni gaw kalang lang marang htu ai zawn zawn rai nbung hte du wa du wa rai na du wa ai. Hkyet hku nna she lai wa lai wa re. Ndai hku na bai lai wa jang she lani mi na nhtoi hta gaw Myen hkaw hkam wa a Myen hkaw hkam wa dat dat ai hpyen ma ni hpe gaw "Ndai shara kaw na nang anhte lai na" nga "E hkum lai" ngu. "E nanhte lai mayu jang gaw e ndai marang dai hpe shabai mu, shabai lu mu ndai hpe nanhte marang ndu hkra ngu na tsun mu" ngu rai yang wo ra Myen hkaw hkam wa e dat dat ai hpyen du hpyen la ni hkinjawng mang ni rai yang gaw "Aw marang hpe gaw gara hku jahkring na anhte nlu jahkraing ai" nga rai yang she ndai Ndawng Nang Prip ni ndai Kep Shang Tang Shang e Ntu Nban nga dai ni rai yang gaw "Rai yang gaw ndai gaw nawng ai ndai Shang Neng ga de marang shinglet ngu ai wora kaw na marang htu nhtawm hka e mali hka tsaw nna lung wa wa re ai hka dai baw marang shinglet ngu nga ma ai. E dai zawn re hpe e ndai kaw kalang ta shi matan nhtawm "Lawan bai, nang de hkum lai e shara e shadaw hkum sit nang lawan bai" ngu na dara hkat ai e ningtan hkat ai daru hkat ai masu ai le. Rai yang she marang gaw shi nawng na shi lai lam e dai hku na htu lai wa ai. Rai yang Myen ni hpe bai rai yang gaw "Nanhte dai hpe pyi nlu shabai yang gaw hkum lai" ngu na dai kaw na bai shabai dat ai nga ma ai gaw. Dai majaw Myen bai kadawng ngu ai Shang Neng ga kaw nga ai. Myen du lam hpa nnga dai Myen e Myen du lam nnga dai anhte Putao ga de gaw. E Myen bai kadawng ngu langai mi Myen sat dumlawng ngu langai nga ai. Dai Myen sat dumlawng ngu gaw Myen ni na yang gaw nkaja kun dai e Ndawng Nawng Prip ni ndai masum zup kaw Myen nang Ndawng bum de nga ai ja u Kai Seng hpe kashun sha na hpe e nsa gasat na matu dai kaw shanhte majan poi kaba byin na majan ni sum mat wa na bai nhtang wa ai nga dai re dai.

Sources