Details

Latitude

25.234

Longitude

96.9165

Start Date

2019-01-31

End Date

2019-01-31

Transcription (La Ring) Machyangbaw mare a lam. Machyangbaw mare ngu gaw mare nnan byin wa ai gaw ndai gaw hpung mare re. Ndai anhte nang ga kaw nga ai ni nat jaw prat hta e nat jaw ai kaw na sasana sara ni nat kabai kau ya nna hpung shang ai Shagrim Ga ngu ai shara kaw miyat tsun ai Galang Gyi bum makau kaw na Shagrim Ga ngu ai shara kaw nga ga ai re anhte mung anhte Htingmawng ni mung Sumdu ni mung. Rai jang e dai kaw e Sara Sin Yu ngu ai Kayin Sara langai mi du lung wa nna sasana Sara langai mi le sasana ginjaw kaw na shangun dat ai majaw dai Sara Sin Yu e nat kabai kau ya ai Shagrim Ga kaw. Hkying mi jahku tsa e hkun manga ning hta nat kabai kau ai. Nat kabai kau ai lahkawng ning daram hta Sara gaw "E nanhte bum ga e nga ai gaw nau tsan ai, atsuya rung hte ma nau tsan ai dai re majaw atsuya rung hte ni ra ai shara ni ai shara kaw nga ra ai, jawng mung galaw ra ai jawng mung gap ra ai jawng mung lung ra ai hpaji mung chye ra ai. Dai majaw atsuya rung hte ni ai Putao hte ni ai shara kaw htawt na matu lajang mu" nga na lam madun ai majaw nye wa ni prat hta e yawng gaw anhte nye wa ni wa di ni yawng myit jahkrum nna Shagrim Ga kaw na "Aanhte hpung shang sai ni gaw htawt ga" nga na ndai Machyangbaw de e mare hkying mi jahku tsa hkun sanit ning hta e ndai mare hpe de na matu nam hkyen hpang ai. Hkyen nnan mare de na matu hkyen hpang ai shara gaw ya nawku jawng lau lawu kaw e machyang hka ngu langai nga ai. Mare jahtum mare htumpa maga de machyang hka ngu ai langai nga ai. Mare a mying hpe nnan shaloi gaw hpung kahtawng re majaw gaw jawng ngu nga ra ai, re majaw gaw jawng ngu shawng nga ai shara re majaw gaw Jawng mare ngu na shamying ai raitim mung hpang daw de machyang hka hte ni ai majaw machyang hka hte e mali hka zup ai shara hte ni ai re majaw gaw anhte duleng ga gaw zup ai hpe e baw ai nga ai. Dai majaw machyang hka gaw mali hka kaw zup ai shara re majaw gaw hka baw machyang hka hte mali hka baw ai shara re majaw gaw Machyangbaw ngu na shamying nna daini du hkra Machyangbaw ngu ai mare byin wa ai gaw dai re. Rai jang she Myen ni gaw Myen ni gaw Machyangbaw ngu ai hpe hkrak gaw machyang hka zup ai mali hka kaw zup ai machyang hka baw ai mare Machyangbaw re raitim mung Myen ni gaw dai hpe Machan Baw Machang Baw nga, Kalaya-weikza-theit-pan nga i kalawng mying Kalaya re raitim shi gaw Kalaya-weikza-theit-pan dai wa "Machan taw Machang Baw" nga ai hkrun lam hkawm laika ngau langai mi ka ai kaw na "Machan taw Machang Baw" ngu na dai ten kaw na dai hpe mu na yawng Machan Baw Machang Baw ngu na Myen ga hku ya du hkra Myen hku gaw Machanbaw nga byin ai, hkrak gaw Machanbaw nre Machyangbaw she re. Chyeju kaba sai.

Sources