Details

Latitude

25.234

Longitude

96.9165

Start Date

2019-01-31

End Date

2019-01-31

Transcription (La Ring) Machyangbaw kaw nga ai Kubar manam jarawp nta a lam. Kubar ngu ai mying gaw mare mying re. Lai wa sai hkying mi jahku tsa kru shi lahkawng ning a shawng daw hkan e Myen mung e Myen mung hpe e gumlang kongsi up hkang na mahka hpyen du kaba Bogyoke gyi Ne Win gaw shi a npu na hpyen du ni hpe e Japan Yaw Kyay (compensation) hte seng nna Japan mung de dat dat ai da. Dai Japan Yaw Kyay hpyi na matu dat ai hpyen commission hpung hpe woi ningbaw ai wa gaw shi a npu na hpyen du kaba Bomu gyoke Pagatier Aung Gyi ngu ai wa re. Dai wa gaw dai yaw kyay a lam hte seng nna shanhte shada loimi mang hkang nga sam ai. Dai majaw shi hpe e hpyen dap kaw na hkring sa shangun na matu aming jaw ai da. Gara de sa nga shangun na i nga jang Bomu gyoke Aung Gyi dai hpe e ndai Myen mung e ding dung daw de e Myen mung a dingdung htum katsi dik htum ai mare katsi htum ai shara Kubar ngu ai mare, mare dai gaw Tibet mare re. Tibet kahtawng mare re Tibet mare hkrak gaw dam jaw ai ga rai nga shi hpe e hkring sa shangun ai. Dai aten e Machyangbaw kaw ndai mare gaw myu byin sai nay char myu langai mi byin nna nay char myu ndai hpe up hkang na matu gaw nay char wun galaw ai hpyen du Major Hla Maung nga wa nay char wun galaw ai. Dai nay char wun wa gaw nang kaw nay char wun galaw na Machyangbaw kaw rung dung nga ai aten e wa ang ai. Shi Machyangbaw de e Bomu gyoke Aung Gyi wa nang e du ai shaloi shawng de Major Hla Maung dai wa gaw Bomu Gyoke Aung Gyi a npu kaw na hpyen ma langai re hku rai nga. Dai majaw shi du wa jang gaw shi hkring sa na shara ya Kubar manam jarawp gap ai shara kaw e kawa ginsum langai mi gap ai. Dai kaw manam shangun ai da raitim na wa jang gaw kawa ginsum hte tawn da na matu nhtuk dum ai majaw shi hpe grai kaja ai ya na nta manam jarawp nta hpun pyen wut nta shachyaw dat ya ai. Shachyaw ai hpe e dai kaw grai na hkra e Machyangbaw kaw e hkring sa nga sai Bogyoke Aung Gyi gaw. Shaloi e hkrak gaw shi hpe gaw dai katsi htum ai Tibet mare Kubar ngu ai mare de e hkring sa na matu htaw de shi hpe gaw dam jaw ai ga dai de du hkra sa na matu dam jaw ai re raitim dai de ndu ai nang kaw hkrai nga na shalai kau sai shi. Shalai na bai nhtang yu mat wa ai. Dai majaw ndai shi nga ai yeik thar dai hpe mung shi kaja wa sa na Tibet mare htaw ga jarit kaw na Tibet mare Kubar ngu ai Tibet mare hpe mying la nna yeik thar dai manam jarawp ndai a mying hpe mung Kubar ngu na Kubar Yeik Thar Kubar E Yeik Thar ngu na ya du hkra manam jarawp nta dai hpe Kubar Yeik Thar ngu shamying ai wa re da.

Sources