Details

Latitude

25.234

Longitude

96.9165

Start Date

2019-01-30

End Date

2019-01-30

Transcription (La Ring) Um Machyangbaw kaw e sasana sa ai labau nga yang law malawng e KBC a labau hpe e mu lu ai hku re. E Machyangbaw ngu ai gaw moi gaw e Nonghkai a hkran Sam ni magwi dat ai shara re nga na mung tsun ma ai. Dai she e hkying mi matsat tsa hkun sanit ning ngu ai shaning nnan du yang moi gaw dai e ya hka daru ya mahkrai a lawu kaw e hka daru gaw moi Machyangbaw rai nde shi ai kaw na nga ai. Dai kaw gaw Hka Kang Kawa ngu ai wo ra hkran de sha nga ai. Rai yang she e ndai Machyangbaw ndai gaw ya anhte Sara Kaba Sin Yu e Kayin sara Sara Sin Yu shi nang Putao de e nang de e sasana sa ai ahkying ateng hta e dai yang gaw hkying mi jahku tsa hkun sanit ning shaning nnan hta e hpung up N-gawk Yaw ni hte e shanhte nang kaw Gumshen Tu, Dare Naw nga ni Gumshen Tu nga ni e shanhte ya na mahkrai hka daru ya na mahkrai lawu kaw e akyu hpyi let e dai mare hpe e dan hpang ai lam hpe e na lu ai hku re. Dai shawng de gaw kaga mare mi nga ai lam nna lu ai hku re. E dai Sara Sin Yu ni shanhte akyu hpyi machyai ai hte e mare ndai lawu kaw e shaning galai rai nna praw langai ya shani e nam dan hpang shanhte dinggu hpun kaba langai mi tu ai da ya chyawm gaw ntu sai ndai kaw e shanhte nam dan hpang rai na mare dai hpe e de ai nga nna na lu ai hku re. Dai kaw na gaw e ya sasana ya chyawm gaw tsawmra nga sai hkying lahkawng e shi jahku ning du hkra rai yang gaw hpung tsawmra law ai. E hpu nau hpung ni grai nga ai raitim nambat langai mare de ai gaw KBC Sara Sin Yu hpa-awn tai let e mi yat tsun lai wa sai e Gumshen Tu ngu ai ni e Htamawng Naw nga ni i salang ni law law hte e i dai kaw e kyu hpyi let e dai kaw mare de ai lam hpe na lu ai hku re. Dai kaw na gaw ya Mali hka sinpraw hkran Nshang hka sinpraw hkran de e mare kachyi chyi grai nga ai hku re. Dai loili de ai kaw na e mung majan Myen wa e su saung yay di ai kaw na dai sinpraw hkran na mare ni yawng mat nna ya gaw Machyangbaw kaw sha law malawng nga ai lam hpe e mu lu ai hku re. E ya du hkra daini du hkra gaw dai Machyangbaw a mare de ai labau nga yang gaw anhte e KBC labau hku na mahta na she de hpang wa ai. Rai she e moi English e sumshi jan ning kaw na bum du ni dung rai na English wa gaw dai Machyangbaw hpe e myu masat ai lam hpe e chye lu ai hku re. Dai kaw na ya taw-lan-yay council prat hta mung lang hte lang myu shatai nna daini ya na ahkying aten hta gaw atsuya rung gaw hkum hkum rai nna nga ai. Kaga hpu nau hkristu AG e hpung kaga ni gaw angwi she e Machyangbaw kaw du shang wa ai lam hpe e mu mada lu ai hku re. E de hpang ya ai gaw Sara Kaba Sin Yu ya daini du hkra anhte KBC ni hku nna gawknu shi a masat hpe e gap da ai lam hpe e mu lu ai hku re.

Sources