Details

Latitude

25.234

Longitude

96.9165

Start Date

2020-09-13

End Date

2020-09-13

Translation (La Ring) Gai shagyi yagyi hkauya ngu ai anhte bum yi bum ga de yi kaw hkai sha ai dai mam a shingnan rai nga mam a manang. E dai majaw ya shagyi hpe tsun ga nga jang e shagyi gaw shi gaw e ginlang hpun langai kaw langai sha pru ai. Hpun langai kaw langai sha pru ai hkainu gaw hpun langai kaw lahkawng masum ba ai i. Rai ndai yagyi gaw langai sha pru nna langai sha si si ai. Galu rai ng gwi gaw gwi rai na si si ai. Dai asi langai ginlang langai kaw atum gaw mun sen hku rawng ai. Bai na dai shagyi gaw tu lawan ai kaba lawan ai. Hpun tu lawan ai gara kaw mi hkai hkai tu ai nam hpun nlata ai. Kaba lawan ai bai yu u ni mung nau nsha ai shi hpe gaw i yu u nau nsha ai. Rai yang e shagyi gaw e yu u nau nsha ngu gaw mun tu ai i shi gaw mun tu ai re majaw u ni nau nsha ai shi hpe. Nau nra sha ai nlu sha ai shi hpyen nau nlaw ai ngu ga le shagyi ndai gaw. Rai yang gaw anhte hkungran poi kaw lang ai madung gaw hkungran poi kaw gaw hpabaw na lang a ta nga jang 1) ndai mi shi sumri dan ai shaloi shi sumri dan ri nhtu kaw shalawm ai rai yang she ndai shakawng ri kaw shalawm ai grau na gaw shakawng ri kaw law malawng lang ai. Shakawng ri kaw gaw nlang nmai ngu na daram rai nga, nlu tim pyi naw gaw htaw lu ai shara de na tam la htet la di na lang ai. Rai yang gaw dai shagyi hpe gaw e dai lang ai lachyum gaw shi gaw lamu ga nlata ai ga sau nlata ai tu kaba wa ai. E bai na kung kaba wa loi ai i rai na hpun langai kaw langai sha rai di si timung atum grai law ai shi gaw mun sen hku tum rawng ai dai kaw. Dai majaw mayat u ga maya u ga "E ndai num gaw num ma gaw e anhte kasha gaw anhte kashu gaw mayat maya u ga" ngu ai lachyum. "Makying jinghku ru sai e jup u ga shi kaw yawng manoi u ga" ngu di ngu ai lachyum rai sa. Rai yang gaw ndai shagyi lang ai hpe e ya e tsun ga nga yang gaw shagyi ngu ai lachyum gaw gyi wa ai baw nre i. Shagyi ngu ai lachyum gaw ndai shayi sha ni dami dama ni yawng rau ningdi di nga ai hpe tsun ai. E dai hpe shagyi ngu di lachyum shaleng ai lam re ngu ai hpe chye lu ai. Rai yang gaw ya shagyi lang ai gaw ya sha tsun ai num nnan hpe shakawng ri jaw ai shaloi e nlawm nmai arung arai htung hkying arung arai langai mi re ngu. Ya nkau mi gaw hkai nan hkai tawn da ai ni nga ai i. Ya du magam masha ni gaw tinang a sun wang kaw ya mung hkai ma ai rem ma ai. Ndai ni gaw kaja wa nan manu dan ai anhte htung hkying hta grai ahkyak ai arung arai langai mi re ngu na tsun dan lu ai majaw kabu ai.

Sources