Details

Latitude

25.234

Longitude

96.9165

Start Date

2020-09-12

End Date

2020-09-12

Transcription (La Ring) Moi na ni tsun ai moi na ni a ga malai le ashe "Masha gau ai gaw ga nga ma ai, gwi gau ai gaw shingna" da. Dai gaw lachyum gaw i masha tinang ga shadawn i tinang a kashu kahkri kadai jinghku jingyu mi raitim mung nga lawm nga nang rai jang gaw tinang gaw ga wo ra ni na machyi na zawn nga ai na yawn na zawn nga ai ga tsun dat jang e wo ra ni gaw yawn mat wa, na matsing mat wa re dai hpe e tsun mayu ai re ai da. "Masha gau ai gaw ga gwi gau ai gaw shing na" nga na ga shadawn moi na ni a ga malai tsun ai le. Masha gau ai gaw ga gwi gau ai gaw shingna, anum kaja tam yang e sawng rawng du bawng katut, ayi kaja tam yang nhpawt shing nawm du, rai jang e ya langai mi hpa wa rai wa sani (mani let). Aw "Manang jaw gaw nja an ji hkrai sha gaw nma, tsawm tsawm htum pa lawng anum kaja ngu yang adu bawng, e ndai ni gaw masha ni a ga shadawn le tinang ashe ga shadawn tsun ai ga rai nga. Tinang e grai tsawm grai htuk dum sai ngu yang e ra ai mi ra wa rai jang e ga shadawn tsun ai ga rai nga malu ai e dai lachyum rai nga malu ai. E dai mung dai gaw ndai masha jaw lu jaw sha ai moi hkan ji hkrai nga ai hkan ji dwi da dai kashu wa gaw "Manang ni hpe jaw ga" ngu ai da. Kaji dwi wa gaw nja njaw ja rai jang e she dai malu masha she nrai nga malu dawng gaw. Ya gaw hkan ji mung nsha ma rai jang yawng nsha mai mat, nkaja mat re kaw dai kashu gaw "An ji sha gaw nma manang jaw gaw nja" ngu mi re da law. E "Masha gau ai gaw ga" nga dai gaw ndai tinang a jinghku jingyu ni hpe le i tinang gaw jinghku re ai ngu na tsun shaga ai e dai shanhte a na hta gaw na matsing mat wa, nna ra mat wa rai jang gaw shanhte gaw yawn mat wa hkyen mat wa rai na jinghku jingyu mi raitim dai hku na shada yawn hkyen mat wa ai dai hpe e tsun ai ga da ndai "Masha gau ai gaw ga" nga "Gwi gau ai gaw shingna" nga. Masha hpe gaw shingna hte gaw nmai gau ai le dai ga hte gau ai da. Ga nna ra na hku tsun kau jang gaw dai ni gaw na matsing mat sai le, na yawn mat sai le. Dan rai jang gaw matsing mat wa yawn mat wa rai jang gaw dai hpe tsun ai rai nga malu ai. Langai mi gaw dai "Tsawm tsawm htum pa lawng" nga i dai gaw shatsawm magang tinang lama ma galaw ai rai i shatsawm magang galaw magang njaw magang rai jang e la nmai mat jum nmai mat lang nmai mat grau ntsawm mat rai ai hpe ngu ai re da. Dai hpe "Tsawm tsawm htum pa lawng" ngu ai re.

Sources