Details

Latitude

25.234

Longitude

96.9165

Start Date

2020-01-11

End Date

2020-01-11

Transcription (La Ring) Sut masa lam gaw ya moi gaw ndai shingra hta hkan na i ya tam ya lu sha mai ai. Maling de shang jang mung ja ni mung dai hku na aloi aloi mai htu la ai. Bai na ri gawng dut na mung lu mai ai, lahpaw htat dut na mung lu mai ai, mai lung kran nna masha shaga na hpun ret dut tim mung mai ai. E moi gaw dai hku na anhte mare masha tanaing (tinang dang ai daram) i tam lu tam sha na grai nga ai. Ya ndai arang madu ni a laba ka-up shang wa jang gaw anhte mare masha gaw grai yak wa ai. Ndai ya tam ya sha grai law wa ai "Ne Sar" hku na chyang sha ai kan bau ai ni grai law wa ai. Rai jang gaw anhte mare masha yak ai lam hpe mu na i ndai "Ngwe su ngwe chee" ai mung shang wa ai. Ngwe su ngwi chee ni galaw ai NGO ni hku na karum na i dai zawn re gumhpraw mahkawng gumhpraw hkoi dai zawn rai ya na byin nga masa gaw. Rai jang gaw anhte yak ai ni hkrai rai jang she hkoi gaw grai hkoi ai le i, grai hkoi jang she bai wa na de yak. Bai wa na de wa yak wa chyat mat rai jang gaw tinang lu ai lamu ga ni mung dut sha kau ra ai. Dai hku na byin taw nga ai ya na sut masa gaw. Rai jang gaw tinang lamu ga lu ai ni mung lamu ga ni ma wa ai, hkauna lu ai ni hkauna yak ai hta hkan na hkauna dut sha kau ai ni nga ai. Dai zawn anhte sut masa hta gaw ya gaw grau grau yak wa ai lam hpe mu ai anhte Nawng Hkying kaw gaw.

Sources