Details

Latitude

25.234

Longitude

96.9165

Start Date

2020-01-11

End Date

2020-01-11

Transcription (La Ring) Nawng Hkying kaw du hkra ladaw gaw moi na daw hte ya na daw shai mat wa ai. Moi na daw gaw ndai du hkra ladaw masum nga ai kashung ta kahtet ta marang ta i masum nga ai. Dai gaw shi na ladaw hte hkrak hkrak htu na ten hta htu ai kashung na ten hta kashung ai kahtet na ten hta kahtet ai shi na ladaw hkrak hkrak re. Dai ten hta gaw hkai lu hkai sha ma du hkra ladaw man ai majaw i grai hkrak ai. Anhte hkauna galaw ai ni mung nabra bang yang i ga pyi nkaput ra majoi gat na dai kaw du wa ai. Rai jang gaw dai ten gaw du hkra ladaw hkrak na i "Ya gaw marang htu ten du sai" ngu na hkrak tak na nli jahkrat yang hkrak dai hku nan re. Ya hpang daw na du hkra ladaw ni gaw mi na hte grai shai wa ai. Marang htu ten lai hkra majoi marang htu ten mung dai hku htu taw nga i. Re kaw na kahtet ta rai jang mung ladu lai hkra kahtet re dai hku hkrum hkra ai hku nga. Dai majaw anhte hkai lu hkai sha ai anhte yi sun hkauna galaw sha ai ni mung moi na ladaw hku hkan nna i hkai lu hkai sha nli jahkrat ai hta loi mi yak wa ai lam anhte hkrum hkra ai hku re. Ndai nabra mung moi na zawn nmai bang ai i nli nmai jahkrat ai ga kaput ra ai i dai hku na byin wa ai. Rai na she laning hte laning mung nbung ai laning ning gaw marang grai law ai, laning ning gaw marang nau nlaw ai i dai hku na byin ai. Dai majaw ya hpang daw de gaw du hkra ladaw grai shai wa ai. Ndai grai shai ai ngu gaw anhte mu mada ai hte le i. Moi gaw ndai hpung maling ni grai tu hpun maling kata kaw re majaw grai nga pyaw ai ya na daw de rai jang gaw hpun ni yawng kran kau na rai sam ai ngu anhte du hkra ladaw nman wa ai i moi na hte grai shai wa ai lam hpe mu ai ngu. Du hkra ladaw hte seng na dai daram mu mada ai.

Sources