Details

Latitude

25.234

Longitude

96.9165

Start Date

2020-01-11

End Date

2020-01-11

Transcription (La Ring) Moi Nawng Hkying mare gaw Mali hka kaw na hka lu ai. Lanam ta e hkali grai machyi ai, hkali machyi na ma ni law malawng si ai. Ma ni nnga ngu na daram i rai nga moi na gaw. Rai jang gaw ndai hkali ana hte rai na bawnu ni mung ndai machye machyang bawnu myit nyan hta hkra ai lam ni hpe ma mu ai. Rai na ana zingli langai gaw ndai "wun yawga" i kan ana ndai kan ana gaw grau sawng ai hku re. Kan ana gaw ndai "Ahtet lan auk shaw" nga baw grai byin ai. Moi gaw tsi rung ma nnga ai, tsi chye tsi ai tsi chye htu ai ma nnga ai. Dai majaw gaw ndai Ahtet lan auk shaw byin ai hte gaw yawng si ai. Nlawt sai dai zawn re li grai nga ai. Dai kaw na de lawu hprut gaw ndai "Asuk yawga" i asuk yawga lu ai ni grai law ai. Dai kaw na kaga ana gaw grai wa byin ai lam nmu ai ndai ana masum hpe e moi grai hkam sha lai wa sai. Hpang daw de gaw anhte ndai NGO hku na mung amyu myu ndai bawngring lam amyu myu hku na anhte hpe e ndai karum ai lam ni law law pru wa ai hta ndai hkali ana "Nget hpya pa pyauk yay" nga na NGO hku na woi galaw ai. Sut htuk jaw ai dai kaw na hkali kanu jep ai hpan arung arai ni mare kaw jaw ai. Dai hte jep hkali ana hpe e makawp maga ai dai hku na ndai Nget hpyar pa pyauk yay nga na woi galaw ma ai. Dai kaw na gaw hkali gaw ya tsep kawp nnga sai. Rai na ndai kan ana i ndai Ahtet lan auk shaw byin ai ana ma moi gaw hka mali hka kaw na lu ai majaw rai sam ai ngu shadu ai hpang daw de gaw hka htung Mali hka nlu sai hka htung kaw na hka sha lu sai. Ndai hka htung ni gaw World Concern hku na Metta hku na ndai NGO hku na i hka htung law law htu ya wa ai karum wa ai re majaw gaw ndai hka htung hka lu ai. Dai kaw na gaw ndai kan ana mung i ya gaw mat ai ngu na daram rai sai kan ana ndai ahtet lan auk shaw ngu ai hpan nau nnga sai. Ya langai ngai naw byin ai raitim mung ya gaw tsi mawan hkum ai re majaw gaw i byin ai hte maren tsi tsi jang gaw ndai tsi ai lam gaw nnga sai ndai kan ana. Dai kaw na Asuk sinwawp ana ma dai hte maren re ya byin ai ni mung ya du hkra naw nga ai raitim mung tsi lajang jang gaw mai ma ai. Amyit pyet i e dai hku mai ma ai dai law malawng gaw ndai AZG kaw dai kaw sa tsi ai ni law malawng gaw ndai sinwawp ana ma ya gaw mat ai ngu na daram rai sai nau nnga sai. Dai kaw na ya machyi makaw naw nga ai ngu gaw ya nnan paw ai dai ning gaw tuk kwi i tuk kwi ana gaw grai byin ai hku rai nga. Raitim mung dai hte si hkra re gaw nlawm ai le i. Rai na ana hte seng na gaw dai hte rai nga.

Sources