Details

Latitude

25.234

Longitude

96.9165

Start Date

2020-01-11

End Date

2020-01-11

Transcription (La Ring) Nawng Hkying kaw pru ai nhprang rai tsun ga nga yang gaw ndai hpan lahkawng hpe mu mada ai hku re ja pru ai nlung ja pru ai. Ndai ja gaw moi ndai hka shi hkan Gawbya hte Htulawng nga baw i ntsa kaw na dai hku dagawt jaw yang grai lu ma ai. Dai ten gaw mare masha ni gaw "Ya gumhpraw ra ai" nga jang gaw hka shi de sa na lani mi sa htu jaw la jang gaw bat mi shata mi jai sha na i dai hku na lu ai ya ra ya mai lu la ai nhprang rai ja ni. Rai yang hpang daw de gaw htu sha ai ni law wa ndai arang madu ni i lawm wa sai dai kaw. Arang madu ni shang wa jang gaw shanhte jak hte galaw ai i. Jak hte galaw jang gaw anhte mare masha gaw ta hte galaw sha ai ni gaw dai kaw nlu galaw sha lawm mat wa ai. Dai hku na shanhte hpang daw de gaw jak hte htu ai ndai Miwa "Gawng Galang" jak nga hpan i jak kaba shadun na dai hku na htu ai. Rai na ja gaw ya hpan mi gaw ma wa sai hku nga. Ya gaw nlung ja naw ngam ai nlung ja gaw htaw ga kata de krawk sha na i pe tsa lam hku na krawk shang na dai hku htu naw htu sha nga ma ai. Rai jang gaw anhte ndai nhprang rai hte seng na gaw hpang daw de gaw arang madu ni hkrai a lata de hkrai rai mat ai i anhte mare masha gaw jak ma nlu hpa n-gun ma nlu arang nlu ai majaw hpang daw de gaw anhte nhprang rai hpe mare masha gaw nlu shaw sha sai nlu hkam sha sai.

Sources