Details

Latitude

25.234

Longitude

96.9165

Start Date

2020-01-11

End Date

2020-01-11

Transcription (La Ring) Ndai Nawng Hkying makau kaw nga ai bum ni kaw na grau tsaw ai bum rai sai ndai gaw Lai Ngu bum ngu ma shamying ai Zin Leng bum ngu ma shamying ai. Anhte ndai makau grupyin kaw na ni ndai bum hpe grai rai na anhte ndai du yu na nshadu na le grai ahtang kaba ai hku na moi na salang ni la hkai ma hka. Ndai bum pungding kaw gaw "Nam Sanita Hka" ngu ai hka nawng nga ai nga. Ndai hka kaw e nga ma nga chyang nga ai. Ndai hka lu yang gaw nsi ai nsi tsi nga dai hku la tsun ma ai moi na salang ni. Rai na mung lapu mung nga ai nga. Lapu dai bum hpe shinggrup nna e bum grai bum masen kaw e shi shinggrup shinggrup wa yang shi nmai hpe manang wa langai ngu mu mada na e shinggrup hkrai shinggrup, shinggrup hkrai shinggrup shi nmai hpe nhtang wa mu ai majaw le i dai hku na shinggrup shinggrup rai dai hku na lapu kaba ma nga ai nga tsun ma ai. Rai jang gaw anhte ma daw de gaw dai hku na grai ndai hpe grai ahtang kaba ai i ndai Lai Ngu Bum Sa Neng Bum hpe. Dai hku na anhte ma daw ten hta e salang ni tsun dan ai hpe na ai. Bai anhte kaba wa ai daw de gaw ndai hpe tatut nan wa mu mayu ai majaw shakut na lung ai. Shakut na lung ai shaloi gaw wa mu mada ai gaw hka nawng gaw nmu sai hka nawng nnga nmu ai. Wa mu ai gaw ndai English ni nga ai i bum pungding kaw English ni nga ai shara wa mu ai. Dai kaw na grau tsaw ai lunghkrung ntsa kaw e ndai pe masum shinggrup daram re shanhte prip tang ai shara i ndai moi gaw prip tang ai she nga ma ai achet jaw hkat ai le i dai prip la prip la re dai baw tang ai shara wa mu ai. Ndai anhte kaji ten hta shadu ai tatut hta wa yu yang gaw nbung ai dai mabyin ma nga ai ngu.

Sources