Details

Latitude

25.234

Longitude

96.9165

Start Date

2020-01-08

End Date

2020-01-08

Transcription (La Ring) Ndai Putao kaw gaw anhte Jinghpaw ni gaw e nambat langai ndai Lung Sut i Lung Sut kaw nga ai. Jinghpaw ni Lung Sut kaw nga ai bai na ndai Kawng Kahtawng mare kaw nga ai. Bai na ndai e Lungsha Yang, Sumpyi Yang, i Hpak Ma e dai ni kaw anhte Jinghpaw ni nga ai. Bai na Chyingrang Hkang, Nawng Yang rai na ndai Nawng Hkai kaw nga ai Nloi Yang kaw nga ai bai na e Nloi Yang kaw na she wo ra Lang Dau dai kaw nga ai. Nawng Hkai kaw nga ai e anhte Putao myo nay kaw na gaw dai ram nga ai re. Ya ngam nga ai kahtawng hkan mung e kaji kajaw nga ai. Dai ni hpe gaw dai ni gaw shanhte Lisu Rawang kaga taing yin thar ni nga ai kaw kaji kajaw ndai htinggaw mali manga dai hku na nga ai ni gaw e nga ai. E Myo Ma kaw ma anhte Jinghpaw ni nga ai. Bai na wo ra Machyang Baw Myo Nay de gaw Machyang Baw kaw Jinghpaw nga ai. Bai na Mawai Baw Nbu Baw mare hkan mung anhte Jinghpaw ni nga ai. Nambu Yang bai na Jau Kang Man Nue Ban Sak e dai hkan e anhte Jinghpaw ni nga ai. Bai na Byen Hku e bai na Alang Ga Htang Ga e Ding Hkyet Ga Dingsa e wo ra maga de mung anhte Jinghpaw ni dai hku na chyam bra nga ai re. Bai na wo ra Nhpyi Ga i Nhpyi Ga Nhka Ga hkan mung dai hku na e kaji kajaw dai hku na nga nga ma ai. Ya anhte Jinghpaw ni gaw ya e mare kahtawng gaw grai law ai raitim mung anhte htinggaw gaw nau nlaw na dai hku nga nga ga ai. Htaw ra Htang Ga Alang Ga lam de ma dai e Dum Ring hkan ma e htinggaw mali manga nga na nga nga ai. Mare gaw re nga tim e masha gaw htawt mat htawt ma nna nau nlaw nga ai. Bai na ya htaw Ding Bu Ding Sa hkan ma ndai htinggaw lahkawng masum mali manga dai hku na gaw jawm nga ga ai re. Ya ndai nang Putao pa kata kaw gaw htaw ra Manze Hkun hkan mung e htinggaw mali manga dai hku na nga ai. Rai na e kaga shara de gaw nau nnga sai re. Wo ra Sumpyi Yang maga de e Nchyi Yang Gindu Ga bai na e htaw ra Gindu Ga ngut jang wo ra e Sumprabum Myo Nay mung anhte Putao hkayaing kaw lawm ai re majaw e Sumprabum nga ai Jinghpaw ni law ai. Sumprabum kaw ma dai hku law ai re. E bai na Daru hka hkan ndai Mai Htawng aw Daru hka kaw na e Tsenan Ga e dai hkan mung anhte Jinghpaw ni law law nga ai re. Dai e Kawa Pang Nta Galu hkan mung anhte Jinghpaw ni law law nga ai dai hkan mung ya htaw ra Loi Lum kawng de ma nga ai. Bai na nang Mali hka kau de e Hting Nan ga ni bai na N-gum La ni e dai hkan e anhte Jinghpaw ni law law nga ai gaw dai maga de re. Ya nang Putao myo nga tim mung ndai maga de gaw nam kahtawng re majaw gaw e shanhte gaw htinggaw manga shi kru shi e dai ram hku na nga ai. Ya anhte Putao pa kaw anhte Jinghpaw ni nga ai shara ni gaw e ndai ram re. Dai kaw na jan ai mare ni mung nga na ndum nshai ai mung law law nga ai re.

Sources