Details

Latitude

25.234

Longitude

96.9165

Start Date

2020-01-08

End Date

2020-01-08

Transcription (La Ring) Anhte Lung Sut na gaw mi yat tsun ai hte maren ndai e Sam ni htinggaw manga daram gaw jau du na nga ai. Raitim mung shanhte gaw ndai Bo Daung kaw na shanhte hpe e up hkang ai lam gaw Bo Daung kaw na up hkang ai. E ndai dai na she anhte Jinghpaw ni gaw Mali shi jan kaw na ndai e lam Ku Li galaw na nga na bum ga kaw na yu na dai kaw nga ai. Htinggaw matsat daram nga na ndai Shamu ni hte Nsai ni Mahka ni e Nhkaw ni e dai ni gaw shawng du nga nna she e dai kaw na nang lam nmaw de bai htawt nna dai hku nga re ai. Dai kaw na she anhte ndai e ndai Lung Sut kaw gaw anhte Jinghpaw ni nambat langai dai hku nga nna, nambat lahkawng gaw anhte Jinghpaw e num la ai majaw dama ni hpe e Chan ni shanhte gaw Taung Oak ma re Chan ni e Rawang gaw Chan ni shawng nga ai. Chan Zau Awng i shanhte gaw ndai Lung Sut kaw Rawang ngu kaw shanhte nambat langai nga ai. Bai na nambat lahkawng gaw Lisu ni nga ai. Lisu ni gaw e ya shi na mying gaw hkrak gaw nchye ai ndai ya na anhte a kahpu kawa rai nga ai Yi Li Sa i shi na kawa ni shanhte ni dai kaw ndai lam nmaw kaw gat dut na nga ai Lisu ngu gaw dai htinggaw langai sha nga ai. Bai na anhte dai kaw na she e hpang daw de gaw ndai hpu nau Rawang ni ma jat Lisu ni ma jat rai na she anhte rau rau nga ai re. Sam ni gaw Sam ni ma bai jat nna bai nkau mi gaw Myitkyina de htawt Monyin de htawt Namati de htawt. Nkau mi gaw ndai Pan Hlaing maga de htawt rai na ya e Sam nau nlaw ai anhte Lung Sut kaw gaw. Sam nau nnga ai hku re anhte Lung Sut hpe gaw e nambat langai gaw ndai anhte Jinghpaw ni shawng e mare salang gaw galaw ai re. Mare salang galaw ai gaw e Shamu Bawm ngu ai salang wa shi gaw mare Oak-ka-hta mare salang galaw ai. E dai kaw na gaw e matut manoi anhte Jinghpaw nii sha galaw ai. Ya hpang de she ndai kaga e hpu nau Rawang ni Lisu ni mung dai hku Sam ni mung dai hku matut manoi bai galaw mat wa ai re. Ndai Lung Sut hpe gaw anhte e Lung Sut ngu shamying ai gaw ndai Putao kaw na nang Putao kawng ta ndai Putao e ndai kaw na zawt re hte le re hte dai mare hpe du ai majaw Lung Sut ngu ai re. Ndai Putao hpe gaw e Putao hpe gaw hpa majaw Putao ngu ai i nga jang gaw ndai nang kaw gaw Nbu ni hte Ndau ni nga ai. Nambat langai shan lahkawng shawng nga ai. Dai hpe mahta nna ndai English ni gaw Nbu Ndau ngu na Putao byin ai re ngu i. E Putao byin wa ai mung dai hku re.

Sources