Details

Latitude

25.234

Longitude

96.9165

Start Date

2020-01-07

End Date

2020-01-07

Transcription (Ja Seng Roi) An hte Jinghpaw ni gaw bum ga hkahku ga Mali Nmai Wa lawng kaw nga nna an hte gaw Jum hpe mung mari sha na matu tsan la ai, ginra de nga ai majaw an hte gaw mi shingra tara hte an hte lamu ga kaw pru ai 'Jum n tsin', n tsin lwi ai hka pru ai dai hpe an hte shadu ai. Dai hpe marau shada ngu nna Jum pru shara hpe tsun ai lam nga ga ai. Rai tim marau hpe e shata kaw Jum shadu ai lam hte seng nna hpun ni law law e bat lahkawng masum hta la nna masum mali ya ram shani shana wan wut nna shadu jahkyet nna dai hpe Jum shatai n na jum hpe lu sha ai lam ni an hte galaw sa wa ai lam ni nga ai. Ya ndai marau shada gaw e Marau Hka nu hte Hpung Ing hka dai lapran kaw pru ai hka Jum shada rai nga ai. Ya dai kaw gaw an hte a ya du hkra nga ai dusat dumyeng ni mung shinggyim masha nsa jang dusat dumyeng ni mung grai sa sha ai. Dan re Jum hpaw ai shara rai nga ai. Rai na dai Maring hka hte Marau hka hta Nga ni mung grai sawng nna e dai shara kaw Jum shadu la ai ten hta gaw Nga hpe hkwi sha nna an hte gaw shat mai shatai nna Jum shadu la ai lam ni nga ai. Dai ndi langai mi lana mi shadu yang gaw joi 15 hte joi 20 daram lu ai. Rai nna aten hte aten ndai maji ta pu, maga pu ni pu ai ten ni hta maji ta e hkan e rai jang gaw grau nna jum hpe grau rawng nna law law jum hpe na hkra shadu la n ra, mali manga ya shadu yang gaw maroi langai gun dang, n dai marau jum hpe shadu ai shaloi gaw e maroi masum mali, mali manga pawng nna shadu ra lam ni nga ai. Hpa majaw nga yang gaw n dai grai yup jang ra ai hta n ga gaw n gun grai dat ra ai, ja ra ai. E dai zawn re majaw gaw masha e lahkawng masum hta jan n na law law gumhpawn na dai hpe shadu la n na tinang a dum nta kaw shatmai kaw bang sha ai, re na tinang dut sha mung mai ai. E moi prat kaw na ndai Jum shada grai law ai kaw an hte Mali Nmai Walawng kaw gaw marau jum shada ngu ai ndai hpe ju sha lam ni, shadu sha lam ni law malawng nga ai. Kaga jum shada an hte jinghpaw bum ga de gaw hkun jan nga ai marau, ndai jum shada gaw rai tim law malawng an hte ju sha ai gaw marau shada marau ngu e dai kaw law malawng sa nna ju sha ai lam ni nga ai. Ndai hpe ju sha ai majaw myu ga hta grau na manu dan ai. Hpa majaw nga yang gaw du bawng bawng ai ngu n nga ai, n dai sha ai shaloi gaw loi mi namchyim hpe loi shai ai sha nga ai. Rai timung kaja ai hku na yawng sha nna yu hkrat wa ai an hte jinghpaw amyu ni hta e ndai hpe madung dat nna myu ga hkan e nlu sa mai gan hkan e n lu gun la timung n dai tinang buga kaw pru ai Jum sha-it jum pru shara kaw na shadu la lam rai nga ai.

Sources