Details

Latitude

25.234

Longitude

96.9165

Start Date

2019-12-27

End Date

2019-12-27

Transcription (La Ring) Sumprabum nde ndai aten ladaw gaw ndai Jinghpaw mung hta nga ai aten ladaw hte maren sha re. E ginhtawng lanam ngu ai anhte hta nnga ai hku re. Rai yang gaw ndai e nbung grai bung ai. Nbung bung ai gaw ndai January i November e dai daram hta mung nbung grai bung ai hku re law. Rai yang gaw April shata hkan mung e nbung ni grai bung ai rai yang April shata hkan gaw jan grai kahtet mat ai hku rai nga. Rai na ndai May shata hte June shata kaw na gaw marang chyu htu mat ai. Rai yang October shata daram hta loi mi yawm mat ai. November nga jang gaw marang lamu marang yawm mat sai hku rai nga ai. Sa hkawm ai shaloi raitim mung e ndai nbung nau bung ai majaw gaw marang ni gaw dingda hku she hkrat bang wa ai majaw gaw jawng hpun na pyi gaw grai yak ai lamu ga re. E rai na anhte ndai Sumprabum buga hta gaw anhte Jinghpaw amyu sha ni e ndai hta e nga ai gaw Maru ni e Rawang ni Lisu ni nga ga ai. Moi shawng de gaw ndai English a hpang e English shang ai hpang e gaw Miwa Gala ni mung e ndai Jinghpaw num la nhtawm me e nga ai. Raitim ya dai ni dai amyu ni gaw yawng Jinghpaw tai nna Jinghpaw ga law malawng shaga mat sai hku re. Dai re majaw gaw Miwa ni mung Miwa ajet nnga sai Gala mung Gala ajet nnga sai anhte Wunpawng masha ni chyu byin tai wa sai law.

Sources