Details

Latitude

25.234

Longitude

96.9165

Start Date

2019-02-09

End Date

2019-02-09

Transcription (La Ring) E shata shu sha ai lam. Anhte Jinghpaw Wunpawng sha ni gaw shata shu sha ai ngu hpe hkai ma ai. Shi a lachyum gaw shata htoi ai shana shata htoi ai shana e shata nhtoi mat ai sin mat ai hpe tsun ai. Kaja wa nga jang hpungtang hpaji hku na gaw jan hte shata hte jan a lapran mungkan ga a nsin ka-up ai Dai hpe moi na ni gaw shata shu sha ai nga ma ai. Dai hpe ning nga tsun ma ai. E shata gaw la kasha la sha ngu na tsun ma ai, shata hpe gaw la sha jan hpe gaw num sha ngu na tsun ma ai. Moi dai shata la sha hte jan num sha yan hkanawng kaba hpe shingkawt shingjawng ai. Shingkawt shingjawng jang wa she e jan num sha gaw "Ngai gaw num sha re majaw atsam grai dat ra na re" ngu hka nawng kaba hpe ngalu nawng kaba hpe shingkawt yang she jan gaw rap lu ai dai hka nawng kaba hpe rap lu. Rai gaw rap lu ai hpang shata gaw "Ngai gaw la sha re jan num sha ram gaw n-gun ndat ra ai gaw" nga na kahkan dat ai wa wo ra hkran de ndu na hka nawng kaw "Pruk" rai hkrak ai. E shata kaw pruk rai hkrat ai majaw ndai shata kaw e sin sin mang mang re ai kalang lang hkanghkyi dingla zawn zawn, shu dingla zawn zawn re ai kap ai gaw moi jan hte shata e hkanawng kaba hpe shingkawt shingjawng jang jan gaw tawt lu tim shata gaw ntawt lu na chyang chyang re nga na mung hkai ma ai ndai gaw. Dai majaw manau shadung hta e jaiwa dungsa ga hta "Jan shayi hpaw hpraw nga e shata gam zaura" nga na hkai ai. Nkau mi gaw "Jan shayi nang koi shata gam zau htoi" nga na hkai ma ai. Ndai gaw e dai majaw jang shingla kap ai manau shadung gaw dungyi shata sumla kap ai gaw dungla. Dungla gaw wak wak re re e dai hku na ndai shata shu sha ai lam hpe dai hku na shaleng ma ai. Dai shu gaw npru ai i ya na maumwi gaw shu lawm taw? E dai shu gaw dai shu nga ai i shu nga ai hka nawng kaw shata wa "Prung" rai yang shu e hkumpa chya dat ai e dai hka nawng kaw hkrat ai majaw shu e shata kaw hkumpa chya dat ai wa dai wa grai sin mat ai. Dai majaw shata shu sha ai ngu lachyum gaw ai kaw na pru wa ai. Hka nawng hkrat yang shata wa hkrat yang shata e ma-ut ai mayu ai e dai kaw na bai pru wa ai dai kaw na she shata shu sha ai ngu na she tsun ma ai. Chyeju kaba sai.

Sources