Details

Latitude

25.234

Longitude

96.9165

Start Date

2019-01-31

End Date

2019-01-31

Transcription (La Ring) Ya India de nga ai Singpho ni pawng yawng Singpho ni gaw moi India de rai ndu wa ten hta nang anhte Putao ga hkan e shanhte htingbut htingra ni nga ai. Nhtem ni a htingbut htingra law, ningru pisa ni a htingbut htingra law nga ai lamu ga ni grai nga ai shanhte a htingbut htingra ni. Dai re majaw "Ya ndai wo ra India de nga ai Jinghpaw ni gaw law malawng gaw Putao ga kaw nna ndai chyau gang lam hku nna shanhte n-gaw htawt ai ni re" nga na salang ni tsun ma ai. Ya ndai ningru pisa ni a shalun ninggu kawa nhpang kingu hpun re ni ma ya du hkra nga ai. Nhtem ni a lamu ga raw nga re ni mung grai nga ai. Pisa ni a ningru ni a htingbut htingra, pisa ni a htingbut htingra nga ni grai naw nga ai. Dai majaw ya ga mung ya wo ra ningru pisa wo ra India de nga ai ni gaw nang kaw shat mung "Araw u" nga baw gaw anhte hte grai bung ai rai nga. E "nang kaw na anhte ga mung grai bung ai" nga salang ni tsun ai. Moi salang ni gaw ndai Ledo hpaga ga ai ahkying aten hta gaw Dai de anhte nang bumga na salang ni mung wo ra de nga yang moi maumwi mausa grai bung ai nga. "Dai ten hta gaw nat jaw jaw ai re ningru pisa wo ra India de nga ai" nga ai. Ya gaw na ai hte maren nga yang gaw hpara naw sai. E kaga hpara naw sai nga ai. Moi ndai Ledo hpaga ga ai ahkying aten du hkra hkying mi jahku tsa mali shi jan ning, manga shi ning ram du hkra rai yang gaw wo ra India de nga ai ni gaw hpara naw ai gaw nau nnga ai nga ma ai. Ndai e "Nat jaw ai ni law ai nga". Labau maumwi mung nang kaw na grai bung ai. E kaji kawa ni nga ai ni nga ai ndai kaw e. Ya anhte ga kaw na sangen ni nga ai mung langai nga ai. Dan nga yang gaw nang anhte ga kaw na salang ni shada jahta hkat yang gaw e labau ni grai rum ai nga na tsun ai. Ya sangen ni gaw ya gaw wo ra India de nga ai ni gaw nnga sai da raitim mung ningru ni pisa ni nhtem ni e dingga ni nga re ni gaw ya du hkra nga ai nga. Shanhte a lamu ga ginra gaw nang de ma grai nga ai ngu hpe ma tsun mayu ai. Dai majaw "Wo ra India de nga ai ni gaw anhte nang Putao ga kaw na yu wa ai Putao ga hta e shanhte shaning na na e lamu madai manau dum nhtawm me e kingu kanai hkai rai na e dai hku na nga ai amyu ni rai ma ai. Anhte a amyu ni sha re" ngu lam hpe tsun mayu ai ga re. Ndai dai hku ngu ga.

Sources