Details

Latitude

25.234

Longitude

96.9165

Start Date

2020-09-14

End Date

2020-09-14

Transcription (Lu Hkawng) Moi shawng de da, kanam kaba hte kanam kaji lagawn ai lam, hpa majaw nga lani mi gaw da, Ka gu wa kanam yan hpe mam htu ai jau jau rawt nna mam htu htu re ai majaw htum hku langai mi hta dingga gumhpraw lap shi shi bang ai da. Htum kaw kanam kaji mam htu ai kaw htum hku kaw mung lap shi ka nam kaba htum hku mung lap shi dai ting na bang ya nna jahpawt manap rai jang gaw kanam yan hpe chyam ai hku nga, Ka gu dingla dai yang na she kanam kaba wa gaw san seng nna myit kup ai majaw mam htu ai htum hku kata de manaw yu gatsut kau dai in ye kau na she mam htu ai da. Rai yang gaw kanam kaji a htum hku kaw bang ya ai mung oh ra gaw mam wa bang kau yang she rut di yang she ning htu abuk mat da. Dai jang gaw htu sai da. Htu ngut rai yang gaw Ka gu gaw ''E ngai nam yan mam htu ngut sai nga jang gaw nan gu hpang sa wa yu rit'' ngu ai da. Dai jang gaw ''E lo'' ngu sa nna kanam kaba hpe shawng san ai da. ''Ngai nam nang mam htu yang hpa mu ai ni'' nga ''Gu e htum kata de wa gumhpraw dingga lap shi ting bang da ai kadai sa bang da ai kun n chye ai dai shaw da n ngai'' ngu ai da. ''Aw ya ngai nam kaji gaw hpa bai mu'' ngu she ''Hpa n mu ai mam htu ngut sai le hpa n mu ai'' ngu ai da. ''Nang gaw tsawm ra n htap ai num lagawn gawn byap ba la kanu re'' ngu myit hta dai ngu kau, rai yang gaw lani mi bai mam hkai sa hkauna de mam hkai shakre mu law nye kanam yan e ngu ai da. Dai yang sa sai da, lahkawng yan sa wa rai yang gaw kanam kaba wa gaw shani tup mam hkai ai re nga jang gaw oh Jahkan ni Katsu ni Nga ni mu ai nga gaw dai rai na hku nga, kanam kaba gaw dai rai jang gaw ka gu gaw ''Aw ndai nye kanam kaba gaw bungli hta grai kang-ka ai'' ngu ''Ngai nam kaji gaw hpa baw mu ai i mam hkai ai kaw'' ngu ''Hpa n mu ai law galang lang ji ni oh galang langda ni Ubyit, Utsa ni htaw lamu gan hkau hkan pyen hkrai pyen hkawm dai sha mu ai'' ngu ai da. ''E nang gaw dai ni tup bungli n galaw ai gawn byet re nang gaw hpa bungli mung n kam galaw re ai masha re'' ngu nna kanam kaji hpe dai tsun ai da. Dai re ai majaw gaw ''E ngai nam yan wa rit'' ngu ai da. Zim ngu na wa kanam kaba gaw ka gu tsun ai hku hkrak hkrak sha re ai da. Hpa rai tim grai kan ka ai da. ''Ya ngai nam kaba gaw hkoi ni Katsu jahkan Nga ni mu ai nga rai nye kanam kaji wa gaw bai galang langgyi langda Ubyit U-tsa she mu ai rai nga jang gaw ngai nam kaji gaw hpa bungli n-galaw ai re nang gaw tsap nna lamu chyu she dawng nga ai hku rai nga dai majaw nang dai mu ai nang gaw sutgan hte n gring ai'' ngu na she shi hpe n jaw ai da. ''Ngai nam kaba gaw myit kup ai hpa lam hta tim galoi mung gadat yu jang gaw ning re oh ra re ai nga mam hkai sa yang mung Katsu Jahkan Nga ni she mu ai nga dai yang gaw bungli galaw taw ai rai nga nang gaw hpa bungli n galaw ai majaw nang gaw ja gunhpraw sutgan gring ai ndai gaw nye kanam kaba na re'' ngu ''Mawk dai ni kaw na nang hpe ja gumhpraw sutgan nan la hpe dai hte jaw sai yaw'' ngu na garan jaw ai da. Dai majaw num kanam kyet n kyet gaw dai e chyam yu ai re da. Moi na ni gaw dan re nna n kyet ai wa hpe gaw n kyet ai zawn zim ti tawn kau ai da.

Sources