Details

Latitude

25.234

Longitude

96.9165

Start Date

2020-09-14

End Date

2020-09-14

Transcription (Lu Hkawng) Moi shawng de da, Jahkai langai mi jahkai sha langai mi nga ai da. Kahtawng langai mi kaw dai she kaning i ngu she jahkai re nga jang kadai mung shi hpe n shaga ai da. Kadai mung n shaga rai jang gaw shi gaw grai myit kaji na hku rai nga jahkrai kasha pa n ngu ya rai nga gaw lani mi na gaw shi gaw ndai hku da. Le hka sawn hka hku de hka shi re ai ga nga, hka sawn ngu ai dai hka hku de lung na she, Shi gaw ''Ngai hpe jahkrai pa kadai pa n kam ngu n kam shaga ai gaw'' ngu na shi gaw dang ngu na hka sawn hka hku de mahkyit lung mat wa rai yang gaw npu de gaw dinggai hpawmi ni hka ja ai da. ''E ya ndai hka hkanu ai hte hka ndai wa manam manam nga ai wa'' moi na ni matsa ai gaw ning nga ai da le ''Kadai sawa e kadai n-dang kanu e'' ngu ai hku nga dai jang she hpawmi langai mi gaw mu dat na hku rai nga hkyi pa mung wam ai da. Hka hku de na hkyi nyi shayawn dat ai ''Deng ya hka mung hka nu hkyi du hkra bai ning shayawng ai gaw kadai wa da i kade kasha ni wa da i'' ngu matsa na hku rai nga dai hku matsa yang she hpawmi langai mi gaw ''Laga gaw ka dai n lung ai law myi yet sha jahkai kasha ma dai bum de mahkyit lung wa ai rai sai'' ngu shi gaw bai madat ''Ke rai sai ya jahkrai kasha wa nga ngai hkyi nyi shayawng dat ai nga jahkrai kasha nga sa'' ngu na shi gaw kabu na hku rai nga dai jang she ''Hkyi she nyi shayawng hkra hkra re ai kaning re ai hkrai jip'' ngu ai hku rai nga rai tim shi gaw grai kabu ai da. Dan re nna hka shi hka sawn hku de hkyi sa nyi jang ya nna hpang e gaw yawng gaw hka dai wa ning re oh ra re jang jahkrai kasha rai le chyu ngu da. Langai mi nga jang mung ''Jahkrai kasha re ai da, hkyi nyi ai hte hpa hte hka ni mung grai gamun hkyi mung nyi shayawng re ai jahkrai kasha re'' ngu nga nna shi gaw dai shani kaw na grai kabu ai da. Shi hpe mu sai ngu ai hku na grai kabu mat ai nga re, rai sa ndai hteng.

Sources