Details

Latitude

25.234

Longitude

96.9165

Start Date

2020-06-27

End Date

2020-06-27

Transcription (Lu Hkawng) Moi shawng de i Hkam Hkam U hte U hka nga ai da, shan lahkawng gaw grai hkau ai da, grai hkau shani shagu rau sha pyen hkawm hkawm re ai da. Rau sha pyen hkawm hkawm re lahkawng yan ahpyaw sha san ai da, Hkam Hkam U mung ahpraw re U hka mung Ahpraw re rau sha pyen hkawm na nga nga re yang she, dai hku re na rau sha pyen hkawm U hka gaw moi gaw shani yup shana yup Hkam Hkam U mung dai hku sha re ai da. Dai she lani mi na aten hta she U hka wa she ''E hkau Hkam Hkam e, le ya Mahtat la-ing langai mi nga ai dai hpe an lahkawng chya ga i.. dai chya yang chyawm an lahkawng grai tsawm na kun i..an lahkawng chya ga i'' mahtat la-ing ngu ai gaw i oh ashe le da da ai baw le i dai baw le dai kaw tsi tsing tsing da ai le dai kaw chya chya chya ga ngu ai da. Dai chya yang she, chya yang she dai she oh ra Hkam Hkam U wa, Hkam Hkam U wa gaw ''Ngai hpe shawng chya ya yaw'' ngu tsun ai hku nga, dai U Hka gaw chya ya sai da, U Hka gaw htat la-ing kaw dun nna chya ten..ten..ten..ten.. ding chya ya grai chya ya aten apa ting chya ya dai Hkam Hkam U gaw grai tsawm mat wa ai da, ahpraw ka ka san grai tsawm mat ''Ke grai tsawm sai gaw'' ngu ai da, ''Nang grai tsawm sai yaw agar ya e hkau Hkam Hkam ngai hpe chya ya yaw'' ngu ai da. Hkam Hkam u gaw shi gaw ngut sai re nga gaw i..shi gaw grai tsawm taw sai re she Hkam Hkam U bai U Hka hpe bai chya ya ai da, U Hka hpe bai chya ya ''E hkau Hkam Hkam e ngai hpe bai chya ya rit lo'' ngu she oh ra U Hka mahtang gaw i grai lu sha grai ma ai le lu sha grai ma re she ''E lawan chya u lu, le mare de wan hkut mawng ai ngu nna i oh lawan chya u lawan chya u ngai n lu sha na ra ai lawan chya u lu'' ngu ai da, lawan chya u lu ngu she Hkam Hkam U mung shi zawn zawn re nna grai pyaw tsawm ka ka re tsawm ai dang re ai re nga gaw hkrit na she manawn nna she ''Nang zawn zawn re ai U Hka gaw'' ngu na she kalang ta Mahtat la-ing de ganawng bang kau ai da. U Hka gaw achyang re mat dai ni du hkra i.. achyang re mat wa ai da, shan lahkawng dai ni du hkra hkrum ma nhkrum grai ga law hkat ai da. Dai nga she htaw U Hka wa Hkam Hkam U hpe shachyut ai galoi ndep ai da, moi gaw Hkam Hkam U mung shana yup i.. shani shaga ai le shana yup le dai ni du hkra Hkam Hkam U gaw htaw nam sumpwi hpang de shani gaw sumpwi hpang de yup da, shana sha Hkam Hkam U shaga i, ashe mung U Hka gaw bai shani shaga rai mat ai da, lahkawng yan dai ni du hkra nhkrum ra mat wa moi gaw gade hkrum tim i Hkam Hkam U hte U Hka nhkrum ra mat wa ai da.

Sources