Details

Latitude

25.234

Longitude

96.9165

Start Date

2020-01-07

End Date

2020-01-07

Transcription (La Ring) Moi shawng de da gaida dinggai langai mi nga ai da. Dai she lani mi hta shi a yi dai hte yang she hkahkum pu pu ai hte yang hkahkum pu sa chyu ai she dinggai dai gaw dai lapu dai rau dinghku de ai da. Dan na kasha lahkawng lu ai da. Dai wa she lapu she "Nu awa gaw deng" ngu "Ning wa nnga ai" ngu da. Dai wa she wo kasha lahkawng gaw dai shi kanu hpe sat na nga na me hpri dup ai da. Hpri dup dup hkrai dup yang she wo lapu gaw ning ngu ai da. "Dai hpri hkum dup na da ju du baw gara ai da ngu na sa tsun su" ngu da. Dai shaloi she dai jahkan hpe sa tsun su ngu ai da. Dai jahkan wa me she "Ma yan nau hpri hkum dup na da, ju du baw gara ai da" ngu na sa tsun ai shaloi she dai ma yan nau gaw wo jahkan hpe lakap rau matep na wan de hta bang kau di ai da. Dai shaloi jahkan ju yang hkyeng hkyeng re da. Dan na she katsu hpe bai tsun ai da. Lapu kaw na she katsu hpe she ning ngu bai tsun dat ai da. "Ma yan nau hpe hpri hkum dup na da, ju du baw gara ai da ngu sa tsun su" ngu. Katsu mung ding ngu sa tsun yang she shi hpe mung lakap rau hta bang kau lakap hte wan de hta bang kau rai yang shi mung ju yang hkyeng hkyeng re rai nna she wo ma yan nau hpe ning ngu ai da shi gaw. Wo lapu gaw ning ngu ai da "Nang ngai hpe lakum hpaw kaw gyit mu, ngai lakum hpaw kaw gyit yang dang ai" ngu na shi e ma yan nau hpe masu di shan nau gaw lakum hpaw kaw gyit rai yang she shi nau lak nna lakum hpaw kaw sha ndang nna ya du hkra lakum hpaw mung di rai yang she "Hkindu kaw bai gyit u" ngu da. Dai shaloi hkindu awum wum re kaw gyit yang hkindu kaw dang nna ya du hkra hkindu atsit rai bung bung rai re da.

Sources