Details

Latitude

25.234

Longitude

96.9165

Start Date

2020-01-07

End Date

2020-01-07

Transcription (Ja Seng Roi) Moi shawng de da, jahkrai ma hte dingla nga ai da. Ma lahkawng hte dingla nga ai da. Dingla dai gaw si wa ai da. Dai majaw shan nau lahkawng gaw wo nam de sa re shaloi kanau wa he la pai maga de sa shangun re na kahpu wa gaw lahkra maga de sa re shaloi nam pan sun langai mu ai da. Dan na shi dai nam pan ngai di manam re shaloi ladi galu law rawng nga na she nam pan langai bai di la na dai bai di manam re shaloi ladi tun mi na raw rai wa na she shi e hkawm chyu hkawm, hkawm chyu hkawm, hkawm chyu hkawm rai na she dai kaw hkawhkam wang kaw du ai da. Du wa re shaloi hkawhkam wang makau kaw nta langai nga ai da, dai nta dai dinggai nta kaw shi nga da, nga re shaloi Shi e dai nam pan ma gun sa re na shi e nam pan dai he ladi galu law wa gaw nam pan dai rau ladi kadun wa baw nam pan hkawng la sa da. La sa n she dinggai dai shani shagu da dai hkawhkam wang de hkawhkam num dai num hpe nam pam ding den sa sa jaw ra da. Dai ding den sa sa jaw re shaloi dai nam pan dai lani mi hta dai he grai tsam hkra di na wa jaw ai da, wa jaw na she shi e manam re shaloi dai hkawhkam num wa mung ladi galu law na ladi galu wa da Dai na she shan hte gaw kwe marawn sai da, na ngai na kasha he moi na ladi zawn zawn rai lu ni hpe ngai na kasha hpe ma jaw sha na, ngai na hkawhkam wang hpe ma jaw na ngu na tsun da. Dan ngu tsun re shaloi shi e lani mi hta e shi mung nam pan yawng sa wa da masha ni shi mung sa wa re shaloi shi e ngai shamai lu ngu da. Shi hpe dai hkawhkam wa gaw nhten ai da, nhten, nhten, nhten re shaloi shi gaw dai nam pan hpe nam pan hpe jaw na dai hkawhkam shayi wa manam ai da, manam re shaloi mi na raw re ladi tai wa da, mi na raw re ladi tai re shaloi she shi shan hte grai pyaw hkawhkam wang mung jaw, hkawhkam shayi mung lu rai na shi gaw grai pyaw hkra nga ai da. Dinggai dai hpe mung shi hpe grai pyaw hkra jaw, shi hpe dai ja ni mung jaw rai na nga ai da. nga rai na she shi na kanau hpe dum wa ai da, kanau hpe dum rai she deng shi kanau kaw sa da, lani mi na hta kanau ni kaw sa re she, sa chyu sa, sa chyu sa re kanau kaw du re kanau gaw grai matsan ai nta wa nga taw da, nta wa nga taw re shaloi shi kahpu wa e lang sa ai ja ni yawng jaw kau rai na, shan hte ni hpe ao mi na hkawhkam wang de shan hte manang ni yawng nga na grai pyaw hkra nga mat wa ai da.

Sources