Details

Latitude

25.234

Longitude

96.9165

Start Date

2020-01-03

End Date

2020-01-03

Transcription (La Ring) Ya ngai hkai mat na maumwi gabaw gaw dinggai hte dingla na lam re. Moi kalang mi hta da dinggai hte dingla nga ai da. Dai dinggai hte dingla nga shaloi she lani mi na aten hta gaw da dinggai wa gaw da, dingla wa gaw da madu jan gaw grai lagawn rai na she madu jan nre law (Madu wa gaw grai lagawn rai na ding re na nre law...nre) madu madu grai lagawn na ding rai she madu wa gaw gumhpraw tam sa ra rai na madu jan hpe dai hku tam mung tam jaw ra rai na dai kaw muk galaw rai yang galaw ai shara de sa rai na muk ni hpe galaw di na muk sara kaw sa. "Sara ndai hku muk pa pa re dai hku nmai galaw ai i" ngu tsun ai da. "Mai galaw ai nang she ra yang gaw me gaw gara hku tim galaw ga" ngu na tsun ai da. Muk galaw pa pa di galaw nna la wa di na madu jan na du kaw gali da ya rai na "Nang ngai nwa dingsa ndai muk sha nna nga u yaw, ngai shata mi ram na na yaw" ngu na tsun da ai rai yang she dai madu jan gaw "Um" nga na dai hku madu wa sa mat. Hpang jahpawt nga yang madu wa sa mat rai dai madu wa sa mat rai na she madu jan gaw dai shi na shawng kaw nga ai muk dai sha makret sha rai na nga rai yang madu wa shata mi hpring rai na bai wa ai shaloi she madu jan gaw muk shi shawng kaw nga ai muk dai sha makret sha rai na ninghku mung nkam gayin sha na shi shawng kaw nga ai muk sha makret sha rai na si taw ai da. Dai na nau nmai lagawn ai da.

Sources