Details

Latitude

25.234

Longitude

96.9165

Start Date

2019-02-06

End Date

2019-02-06

Transcription (La Ring) Di lakung nmai shara ai lam. Moi shawng e dinghku langai mi hta Ma Gam, Ma Naw, Ma La dai hku nga ai. Dai shaloi dai hkan nu wa ni gaw grai pyaw nga ai. Lani mi hta Ma Gam wa gaw num la ai asak aprat ram wa rai na num la wa re shaloi, shi gaw dai Ma Gam jan ngu na wa gaw Ma Gam wa kaw wa nna dai.. dai shaloi shi gaw shat shadu sai da. Shadu rai jang she shat shi n-gu kawk nhkawng masum sha shadu tim shat wa grai law law rai taw taw re da. Ding re jang she kamoi ni gaw she.. ding re kanam shadu yang she jan jan re ding re na "Nang shadu yang gaw shat nau law bang ai, n-gu nau law bang ai" ngu dan ngu kanam hpe pawt da. Ding rai yang she kamoi ni gaw yi hkyen sa mat wa wa re da. Yi ni sa magang rai sa mat wa wa rai yang she shana de wa yang shat lu sha shadu da yang grai ngam ngam re da. Ding rai jang she kamoi gaw pawt sai da. Pawt rai yang "Nang shat shadu jang ding re shat ni hpe alaga lahpawt lama re galaw kau ai" ngu na she pawt da kanam e ding rai she kanam jan gaw myit htum sai da. Shat kawk mi kawng lahkawng sha shadu timung ding re sai da law. Ding rai she kamoi hpe pawt mayu nna shi gaw nta de wa mat sai da. Nta mayu nta de wa mat rai na she kanu ni hpe wa tsun dan ai da. "Ngai gaw shat kawk lahkawng masum sha shadu timung shat she jan jan re ding re byin na ah moi gaw ngai hpe dai hku dai hku matsa ai, dai hku nang shadu yang gaw ding re n-gu ni shat ni grai jan ai" dai hku tsun ai ngu kanu e wa tsun dan rai jang, kanu gaw kanu gaw tsun sai da "Dan re jang gaw nang shat shadu jang e shat di lakung ni adup, dai hku ni shara ding rai jang gaw shat gaw kade shadu shadu shat nse nnga" ngu kanu tsun dan sai da. "Nye kasha e mi dan re pawt ya ai gaw" ngu na she tsun sai da. Ding rai jang she kasha mung wa na dai dama nta de madu wa ngu na nta de bai wa rai na she ding re shat bai wa shadu sai da. Shat shadu rai yang she madu wa ni nam hkyen sa mat wa yi magang sa mat wa rai jang she shi gaw shadu she "Kawng e kang e kawng e kang e" ngu na shadu da. Shat kawk masum mali manga bang tim mung hpang shana de na shat nlaw sha mat sai da. Ding re jang kanam jan e she "Shat nlaw sha ai" ngu na she bai matsa da. Ding rai na Jinghpaw Wunpawng myu sha ni ding rai i.. kade sha Jinghpaw Wunpawng amyu sha ni nraitim mung shat lu sha shadu sha yang ding re di lakung hkyau ni hpe nmai shara ai. Shara jang e ding re n-gu ni nse nnga wa ai da.

Sources