Details

Latitude

25.234

Longitude

96.9165

Start Date

2019-02-05

End Date

2019-02-05

Transcription (La Ring) Ya ngai hkai na maumwi gaw shu langai a lam re. Moi shawng e shu langai mi nga ai. Shu dai gaw hkaw hkam mungdan kaw nga ai re. Dai kaw na hkaw hkam mungdan kaw na hkaw hkam wa gaw num kasha marai mali lu ai. Dai num kasha marai mali lu ai kaw na shu wa gaw dai hkaw hkam wa kaw num sa hpyi ai da. Dan re sa hpyi ai shaloi Makaw jan hpe shawng hpyi ai. Makaw jan gaw "Ding re shu kaw gaw nkam wa ai" nga tsun re shaloi shu gaw hkrap na dai mungdan hta panglai kaba hka kaba byin wa ai. Rai na hkaw hkam wa gaw Malu jan e bai tsun yang Malu jan mung "Ding re shu kaw nkam wa ai" nga na bai tsun ai shaloi, shu gaw bai marawn na nbung kaba bai wa rai nna Maroi wa tsun. Maroi wa mung "Nkam ai" nga na Mahtu wa hpe bai tsun re shaloi Mahtu wa gaw "Mai ai" nga na wa mat ai. Dai shaloi shu shan yan hkawng gaw dinghku de sha na nga ai shaloi lani mi na hta gaw hkaw hkam mungdan kaw gumra jawn shingjawng na aten du wa ai shaloi dai shu kasha dai gaw "Ningnu e hpawtni gaw gumra jawn shingjawng na re majaw ngai ma sa na" ngu dan ngu madu jan e tsun ai shaloi madu jan gaw "Nang wa sa yang gaw manang ni kabye apa kau na ra ai" ngu dan ngu tsun re shaloi madu jan gaw nhkraw rai. Hpang jahpawt re shaloi jau jau rai na shi na shu hpyi hpe gawng kau da nna shi gaw shinggyim masha hkum hte dai gumra jawn shingjawng ai de sa mat wa rai na gumra jawn sa shingjawng ai. Dai shaloi madu jan gaw sa yu yu yang madu wa shu ding re lawm ai hpe nmu rai na hkrap taw nga shaloi shu gaw, dai shu kaw na shinggyim masha tai mat ai dai wa gaw sa wa na "Nang hpa rai na hkrap nga rai" ngu tsun ai shaloi dai num dai hpe san ai shaloi "Nye na madu wa shu gumra jawn shingjawng sa ai nmu ai" nga "Na na madu wa gaw ngai re le" ngu dai ngu tsun ai shaloi "Nkam ai nye madu wa gaw shu she re" gaw nga. "Nang nkam yang shu, shu hpyi gawng da ai hpe nang wa yu yu u" ngu tsun ai. "Hka kaw chyawm hkum tsing kau ya yaw" ngu tsun ai shaloi dai num dai wa gaw madu jan ngu na wa gaw wa na shu hpyi dai hpe wa tsing hka kaw wa tsing kau ya na madu wa gaw shu bai tai mat ai da. Ding rai na anum ni ding re num ni ngu gaw ding re ta ding re gaw sha she ai amyu re nga ma ai.

Sources