Details

Latitude

25.234

Longitude

96.9165

Start Date

2019-02-05

End Date

2019-02-05

Transcription (La Ring) Ya ngai hkai na maumwi gabaw gaw shaga nmadat ai brangtai kasha a lam. Moi shawng e brangtai hkan nu ni nga ai. Dai brangtai kanu gaw kasha masum lu ai. Dai shaloi Magam, Manaw, Mala du hkra lu ai. Dai hkan nau ni hpe kanu gaw lani mi na ahkying aten hta shat tam sa na rai na "Nan nau ni daini gara de hkum sa mu yaw dai nta kaw sha nga mu" nga tsun da ai shaloi dai brangtai Mala ngu na wa gaw kanu na ga nmadat nna masha ni na sun de laubu sa lagu sha sa mat wa ai. Dai shaloi sun madu ngu na wa gaw brangtai ding re sumla palawng hpun la nna dai brangtai hpe hkam la na ding re paik hte hkam da ai shaloi u hkan nu ni gaw sa wa rai na, u kasha langai mi wa gaw "Brangtai sha e nang na nu ni hte hkrum mayu yang gaw dai paik dai kaw na lawt lu hkra galaw u yaw" nga na n-gun sa jaw da. Dai shaloi brangtai kasha gaw "E ngai hta grau kaji ai u kasha pyi ngai hpe n-gun jaw ai" nga na shi gaw dai kaw na lu pru hkra pru rai na kanu ni hte bai kahpu ni hte bai hkrum rai na kanu hpe "Nu e ya na nang hkum sa nga shara de nsa sai" ngu na kanu hpe hkrap na ahpum na ngut mat sai.

Sources