Details

Latitude

25.234

Longitude

96.9165

Start Date

2019-02-05

End Date

2019-02-05

Transcription (La Ring) Nshang magaw ai la hte myi nmu ai la yan a maumwi. Moi shawng e nshang magaw ai la hte myi nmu ai la yan gaw grai hku hkau ai manang rai nga ai. Dai shaloi lani mi na hta shan yan hkawng gaw hkrun lam hkawm ai shaloi hpun ntsa de lung nna u tsip ngai mi kaw e wa yu yu yang dai kaw e lapu rawng nga na shan yan hkawng gaw hkrit na bai yu mat wa ai. Dai shaloi bai hkawm mat wa re hkrun lam kaw gaw sha lawa hkan nau ni nga ai dum nta kaw du re shaloi dai sha lawa hkan nau ni gaw naw kaji, kanu ni nnga rai na hkan nau ni gaw dai myi nmu ai hte nshang magaw ai yan e hkrit rai na rawng nga re shaloi she, dai shan yan hkawng hpe san ai da. "Nanhte shinggyim masha ni na baw kaw dan re tsi, tsi dan re tsi rawng ai nga kade ram kaba a ta" ngu san ai shaloi dai shan yan hkawng gaw shanghkawp kabai kau dat ai. Dai shaloi shang hkawp gaw "Goi.. ndai ni na dan re gaw grai kaba nga ai i" ngu. "Tsi gaw grai kaba ai she rai nga" ngu na hkrit rai yang "Nanhte na kara kade galu ding re law ai rai" ngu yang shingngu nhtan kaba hpe bai kabai bang dat yang "Wo.. grai law ai" ngu na "Nanhte na pasi masit ai kaning re pasi rai" nga yang jing hkyen bai kabai bang rai na she ding re rai jang she shanhte ni gaw dai sha lawa hkan nau ni gaw hkrit rai na dai hprawng dai kaw na dai shara dum nta kaw na kanu ni hpang de sa hprawng mat wa re shaloi, dai myi nmu.. myi nmu ai la wa hte dai nshang magaw ai la hkan manang gaw dai dum nta de shang wa yang dai kaw na sha lawa shanhte ni na ja rai ja rai sut gan ni hpe mu rai na la na dai dum nta kaw na pru mat wa na shan yan na dum nta kaw wa nga rai na dai ja rai ni hpe dut sha na grai pyaw na nga mat ai da.

Sources