Details

Latitude

25.234

Longitude

96.9165

Start Date

2019-02-05

End Date

2019-02-05

Transcription (La Ring) Miwa la hte Jinghpaw la yan hpaji shingjawng hkat ai lam. Moi shawng e Miwa la hte Jinghpaw la shan yan gaw manang rai na nga ai da. Dai shaloi gaw lani mi na aten hta gaw shan yan hkawng gaw nga sa lagu sa ai shaloi nga gaw langai sha lu lagu na shan yan hkawng garan sha n-gu re shaloi shan yan hkawng gaw "Gara hku garan sha na kun" ngu na she hpaji jawm shingjawng hkat ai da. Shan yan hkawng gaw "Kadai shawng hkyi lu sha, hkyi lu sha ai wa gaw dai nga dai hpe lu la" ngu tsun ai da. Dai shaloi gaw Miwa la hte Jinghpaw la yan gaw shana Miwa la wa mung Miwa la wa gaw kanyi ya re nga yang gaw kanyi hkyi nyi da, Jinghpaw la wa gaw shapre shana hte sha na hka wan ding re kaw nyi bang da dan re mase bang da rai na Jinghpaw la hte Miwa la shan yan hkawng gaw hpang jahpawt gaw chyam hkat sai da. Dai shaloi gaw Miwa la wa na hkyi gaw Jinghpaw la wa gaw ma sha kau ya, rai na hpang e gaw dai Jinghpaw la wa na hkyi mase da ai hpe rai yang gaw Miwa la wa nlu sha ya rai na matsat na ding rai na nga dai hpe gaw Jinghpaw la wa lu la kau ai da.

Sources