Details

Latitude

25.234

Longitude

96.9165

Start Date

2019-02-05

End Date

2019-02-05

Transcription (La Ring) Sharaw hte anyau gaw shan grai hkaw ai da. Grai hkaw ai she e sharaw gaw jaugawng kaba gaw re ai raitim shi gaw nyan ladat nchye ai da. Hkum kade kaba tim ladat nchye ai da, nyau gaw ladat grai chye ai rai na she yu ni hpe ni mung grai lu rim sha ai da. Lu rim sha jang gaw sharaw gaw "E nyau hkau e hkau nyau e ngai hpe ma na a jaugawng ladat sharin ya rit law" ngu na tsun ai da. Shaloi jang she "Mai ai le" ngu na e nyau gaw sharaw hpe e jaugawng ladat sharin ya ai da. Sharin ya rai jang gaw sharin ya sai da. Sharin ya rai jang gaw anyau gaw shi a hpaji makoi ai gaw ma hkra nsharin ya ai da. Ma hkra nsharin ya rai jang she kaga ladat e ni gaw yawng sharin ya sai da. Shaloi jang she hpang jahtum gaw shi dai shi na nyau mai makoi ai dai nsharin ai da. Nyau gaw ya shi dung nga hpum nga rai jang e shi ningmai hpe e shi a man de e up rai na makoi kau ai. E wo ra shan gyam mayu hpa rai jang mung ningmai e shi makau de shi lagaw shi dung nga ai maidang lagaw makau de e kup di kau nna she dai hku wo ra de e kagat na hkyen hkyen htim na hkyen hkyen wo de yu mi rai rai hpa mi rai rai a u mi rai rai shi rim sha na mu ai kaw e shi mu ai dai hpe e htim na hkyen hkyen di na shi gaw kalang ta ya rai sai nga ai hte shi a ningmai hpe e "lang" di sharawt dat nna n-gun dat la nna ningmai kaw n-gun la nna e rim sha yang nyak sha lu ai da. Shaloi gaw dai sharaw e gaw dai nyau ningmai makoi ai dai nsharin ya rai jang gaw dai sharaw gaw ya dung jang she ningmai gaw wo shingdu de lalam tawn shi ningmai gaw galu ma galu ai re nga yang she lalam tawn na she "buk buk" ngu shi myi gaw wo shawng lam de e sha na rim sha na rai hpe e yu ai da. Yu nga tim wo shingdu de gaw shi ningmai gaw e dai hku galang hkrai galang abuk hkrai abuk rai shi ningmai gaw kaba ma kaba ai re nga yang gaw "buk buk buk buk" ngu na shara ai da. Shara jang gaw dai shi gyam sha mayu ai rai ni gaw shi a ningmai abuk shamu shamawt ngoi ai hte shamu ai hte lim rai wo galim galam shamu galam ai mu nna dai shi rim sha na dusat ni gaw hprawng shamat kau tawn da da re ai da. Dan na nlu rim sha ai da. Dan rai na e sharaw gaw nyau hpe dai ningmai makoi nsharin ai majaw ya sharaw ni anyau e mu jang kawa gaw nkawa sat ai da shi hpe e jaugawng ladat sharin ya ai chyeju gaw dum ai da raitim shi hpe ningmai makoi nsharin ai majaw shi hpe e kawa sat hkra gaw nrai na mu ai hte rim la na dung apyet kau kau re ai da. Dung apyet tawn da da re da dan rai na e ya shinggyim masha ni e nyau e pawt jang "Sharaw lahkum sharaw lahkum" nga na e tsun chye ai. Kadai mung dai hku tsun chye ai dai gaw "Ndai shi nyau shi sharaw hpe e ningmai makoi nsharin ai a majaw shi hpe sharaw rim dung kau kau re re da" ndai hku na hkai dan ma ai.

Sources