Details

Latitude

25.234

Longitude

96.9165

Start Date

2019-02-05

End Date

2019-02-05

Transcription (La Ring) Masha mana gaw nhkum u mana gaw u gum nga ai dai hpe hkai na re. E dai gaw moi num sa hpyi ai da. Num sa hpyi ai kasa la ni anya ai majaw ngu ai re da. Kasa la ni gaw moi gaw bum ga nta re nga yang gaw abum kaw she dinghkrak htu la nna galaw rawng ai nta rai na hku rai re nga. Shaloi jang gaw e anum la na gaw lahta nta da, num la na gaw lahta nta. Dai lawu nta gaw kawa di nta jang htung shatai na hku nta num sa hpyi na nta gaw lahta nta re da. Lahta nta re da shaloi jang she dai kasa la ni hpe gaw nang num la na ni gaw "E dai nta gaw dai anhte la na mayu nta gaw lahta na nta re yaw e ya nanhte sa hkring na gaw dai le lawu na e lawu nta kaw re yaw. Dai lawu nta kaw e nanhte jang htung dai kaw sa hkring mu" ngu na nang num la na dama nta ni gaw dai hku atsawm sha matsun dat ai da. Shaloi she dai kasa la ni she kalang ta sa wa sai da. Nang kaw na dama ni lit bawn dat ya ai hte e sa mat wa sai da. Sa mat wa jang gaw le lawu nta jang htung nta ngu na dai kaw shawng hkring nna she mayu nta shang ra ai baw amu she shanhte gaw dai jang htung nta kaw nshang ai sha shanhte nta nam dat yit kau na hku rai nga. E num nga ai nta sa hpyi na nta dai kaw she jang htung nta re ngu na she dai kaw she shang da. Dai kaw shang kau rai le jang htung nta kaw gaw nshang mat. Rai jang gaw ndai kaw na mayu nta kaw na ni gaw hkap san ai da. Hkap san dai num la na dama nta ni gaw nhkum gaw rai na hku gaw rai nga, nhkum gaw rai na hku nga. Dai re gaw dai kasa la ni hpyi jaw ai npawt rai na hku rai re nga ai dai hku re da. Shing rai na she kalang ta she dai num hpyi nta kaw e nsin ka sa gun shang kau ai da. E hkrak nga yang gaw le jang htung nta kaw shawng shang rai na she jang htung la wa hte atsawm sha rai na mayu nta kaw shang ai baw htung re re she e dai kasa la ni anya nna she kalang lata mayu nta kaw e nsin ka gun shang kau ya ai da. Shaloi jang gaw dai dai kaw na mayu dingla wa she "E nanhte gaw masha manya nhkum u manya gaw u gum nga nanhte she rai nga ai" ngu na dai kasa la ni e hpyi jaw ai ga dai shani kaw na dai hku tsun mat ai re da.

Sources