Details

Latitude

25.234

Longitude

96.9165

Start Date

2019-02-03

End Date

2019-02-03

Transcription (La Ring) Maumwi gabaw gaw prangtai hte taukawk re i. Moi kalang mi hta da prangtai hte taukawk shan hkawng nga ai da. Dai shaloi shan hkawng gaw shawng kaw kalang mi shingjawng lamang ngut sai rai nga i dai shaloi gaw a.. taukawk dang mat ai i. Dai hpe prangtai gaw grai.. myit n-gut let e shi gaw shana tup tup dai shingjawng lamang ngut mat ai shani kaw na shi myit npyaw na dai hku nga taw ai. Gara hku mung shi shi hkum hpe shi grai n-gun nlu na she shi gaw kalang ta e taukawk hpang de sa mat wa ai i. Taukawk hpang se sa mat wa jang she "Hey taukawk yahte na lang nang dang ai gaw nang hpa nre, ya kalang bai shingjawng ga" ngu tsun ai da. Dai shaloi gaw taukawk wa gaw um "Mai ai le dan nga jang gaw ndai lang na shara gaw ngai lata na" ngu tsun ai da. Dai shaloi gaw prangtai gaw shi.. dang mayu ai myit hte sha shi gaw "Gara shara kaw tim tsun dat u gara kaw tim mai ai ndai lang gaw nang dang na nrai sai" ngu na grai ake kabye let tsun ai da. Dai shaloi taukawk gaw "Hka kaw shingjawng ga" ngu tsun ai da. Dai shaloi gaw prangtai gaw myit yu sawn yu lam n nga ai sha shi gaw dang mayu ai myit hte sha she "Mai ai" ngu da "Hpawt de hkying kade kaw" ngu yang shan hkawng gaw "Hpawt de hkying jahku kaw ndai kaw hkrum ga" ngu tsun ai da. Dai shaloi she hpang jahpawt dai shana shi gaw grai myit pyaw na she dang na re ngu myit hte shi gaw wa mat sai da. Hpang jahpawt du hkying jahku kaw du rai yang sa wa ai da dai shaloi e taukawk hte rau nga ai hka hkan na manang ni yawng sa yu ai da. Ngut na she prangtai hte nga ai kawng hkan na nga ai manang ni yawng sa yu ai da. Shan lahkawng na shingjawng ai hpe yu na matu sa yu ai da. Dai shaloi gaw aten du sai hte maren shan hkawng shingjawng ai da. Dai shaloi gaw shi gaw shi na hkum shi dang mayu myit sha rawng ai majaw shi hka nchye hpungyawt ai hpe malap kau na she shi gaw kalang ta langai lahkawng masum nga hte shan hkawng shingjawng mat ai da. Dai shaloi gaw taukawk gaw apyaw sha rai na shi gaw hka hpungyawt nna she shan hkawng myit tawn da ai tsun tawn da ai pandung de du mat wa ai da. Raitim mung prangtai rai yang gaw hka ka-ang kaw du ai hte hka marit nna me e shi gaw sum mat ai da. Dai kaw sa yu ai masha ni yawng mung aw prangtai hpe ake kabye asawng asang rai na me she e shanhte na shingjawng lamang gaw dai kaw ngut mat ai da. Prangtai gaw dai kaw na grai myit kaji let gaya let shi gaw wa mat ai da. Maumwi gaw ndai kaw ngut sai i anhte lu la mai ai gaw tinang shut ai hpe nchye, nlu hkam la ai myit yu sawn yu lam nnga sha bungli galaw chye ai majaw anhte hkrat sum chye ai ngu ai hpe sharin la lu ai.

Sources