Details

Latitude

25.234

Longitude

96.9165

Start Date

2019-02-03

End Date

2019-02-03

Transcription (La Ring) Ndai gaw wa ni hpa na majaw gyit dun katut ai lam hparai na sharawng kadut sharawng kadu ai lam ngu ai re. Moi shawng de da shinggyim masha langai mi nga ai da. Shi kaw gaw da shi grai tsawra ai wa hte shi grai tsawra ai gwi nga ai da. Dai re majaw dai shinggyim masha gaw da dai gwi hte wa yan hpe shi sa ai shara shagu de woi sa sa re ai da. Lani mi gaw da shi gaw shanhte ni sha na matu yi hkauna wa galaw na matu sa mat ai da. Dai shaloi wa hte gwi hpe ma shaga mat ai da. Wa hte gwi hpe grai tsawra ai shi na madu hpe gwi hte wa mung e lani, shara mi hku jut mi hku na chyeju htang na matu hkyen ai da. Dai re majaw shan hkawng gaw da dai masha hpe tsun ai da "E.. e madu wa e anhte.. an hkawng gwi hte an hkawng hpe nang ndai hku bau ai majaw grai chyeju dum ai an hkawng na na matu chyeju htang mayu ai" ngu di tsun ai da. Dai shaloi masha wa mung "Mai ai mai ai ya daini ngai hpabaw galaw ra ai rai nga yang ndai anhte sha na n-gu lu na matu yi galau ra ai. Ngai hpe chyeju hte naw karum la rit yaw" ngu di tsun ai da. Dai shaloi gwi hte wa mung yau la ai da. Dai hku rai re na madu wa gaw "Shi sa ra ai shara de jahkring mi bai gan sa na yaw" nga ngu na shi hkawm mat wa ai da. Dai hku re ai wa hkawm mat wa ai hte grai shakut mayu ai wa wa gaw shi na nnaw hte kanaw chyu kanaw kanaw chyu kanaw nna nahtai htai ya ai da. Raitim grai lagawn ai gwi wa gaw da azim sha nga na shani tup dai hku sha yup taw ai da. Raitim wa wa gaw kanaw chyu kanaw kanaw chyu kanaw re ai da. Dai wa shana maga du wa hkyen yang she wa wa gaw da shani tup kanaw da ai re majaw grai ba mat sai re majaw jahkring mi hkring la taw ai da. Dai shaloi she gwi wa gaw namdum sa mayu ai nga na namdum sa na dai hku wa lahkat, ga lahkat di nga ai wa madu wa bai sa mu, shanhte na madu wa bai wa mu dat ai da. Dai wa htawra wa gaw namdum sa na she ga lahkat di nga ai hpe wa bungli galaw shadu di wa aging kabu na hku nga. Raitim wa maga mi de yu dat yu dat yu yang wa azim rai yup di nga taw ai wa hpe wa mu na grai pawt mayu mat na hku nga. Dai wa dai madu wa kaja nga yang gaw shani tup galau da ai gaw wa ndai hku wa galaw da ai majaw shanhte na hkauna grai tsawm taw ai re hpe gaw nchyoi le i dai re majaw wa shi gaw aging pawt na she dai shani kaw na wa hpe wa gyit da hte maren, noi da hte maren rawng da hte maren di ai da. Dai shani kaw na wa gaw galoi ma grai rawng hkrum na dai galoi ma gyit dun hkrum ai da. Maga mi gaw da gwi hpe gaw da anhte shinggyim masha ni grai tsawra mat ai da.

Sources