Details

Latitude

25.234

Longitude

96.9165

Start Date

2019-02-03

End Date

2019-02-03

Transcription (La Ring) Moi shawng e da ndai gaw u kanu hte shi na kasha ni hte wa kanu hte shi na kasha ni na lam re ai. Moi shawng de da yi langai mi kaw nga ai da. Dai yi kaw hkauna galaw ai e hkauna htu ai la wa gaw da shi a u wa yam nga ni shi na yi kaw rem da ai da. Dai kaw gaw wa, wa kanu langai mi nga ai da. Shi mung kasha hkai taw zawn u kanu langai mung shi na kasha e hkai na grai pyaw let nga ai da. Dai hku re rai nga let nga taw wa lana mi na aten hta gaw da wa kanu kaw chyu chyu taw nga ai wa kasha ni gaw tsun ai da. "Anu anhte hpe ma u hpum hpum ai zawn hpum la rit hpum la rit" ngu ai da. Dai shaloi wa kanu gaw da tsun ai da "E nu kaw gaw singkaw nkap ai zawn mun ma u ni zawn nkaba ai. Dai re majaw chyu chyu yaw. Chyu chyu u chyu chyu u ngu na wa kasha ni hpe chyu jaw lu ai da. Dai hku chyu lu taw nga ai wa kasha ni hpe mu ai u hkai kasha ni gaw da kanu hpang de bai sa wa na "Anu e anhte mung chyu chyu na chyu chyu na" ngu di tsun ai da. Dai shaloi u kanu gaw da "E nu sha ni e anu gaw wa zawn chyu ntu re majaw nu a singkaw npu kaw hpum u ya grai lum na sha nga mu yaw" ngu di shanhte hpe bai tsun nna dai shi na singkaw npu de bang la ai da. Dai maumwi kaw na anhte hpabaw lu sharin ai lu sharin la ai rai nga yang gaw kalang lang gaw anhte gaw tinang kaw nga taw rai hpe nra ai sha masha wa nga taw ai rai hpe ra marin chye ga ai. Rai majaw gaw masha wa tinnag kaw nga ai rai hpe tinang grai myit shadik let e mai lang let grai pyaw hkra mai nga ai hpe anhte ni lu sharin la ai law.

Sources