Details

Latitude

25.234

Longitude

96.9165

Start Date

2019-02-02

End Date

2019-02-02

Transcription (La Ring) Ndai maumwi na gabaw gaw sadi ndung ai patsip na lam re ai. Moi shawng de da dusat dumyeng ni sha grai pyaw let nga taw ai nga ai maling langai mi nga ai da. Dai maling kaw gaw da sadi galoi mung ndung na wo kap ning kap rai na grai nan kap hpa chye sha ai patsip langai mi mung nga ai da. Lani mi gaw da hpabaw i u amyu ni hte ntsa malen e pyen ai u amyu ni hte ga hkan dai hku hkawm ai lagaw mali tu ai baw hpan ni ashe bawlung htawng i gawdin htawng shingjawng poi galaw na matu hpabaw i shanhte ni hkyen ai da. Dai shaloi ntsa malen e pye ai u u hku, u ra hkaike ni gaw da hpan mi re ai da. Dai hte maren lagaw mali tu ai magwi, chyahkyi hte gwi ni mung a shanhte ni mung ashe hpung langai mi re ai da. Dai hpung lahkawng gaw da bawlung htawng ma ai da. Dai hku bawlung htawng ai shaloi ashe bawlung htawng htawng re wa patsip mung lawm na nga di shi mung sa wa ai da. Dai re majaw "Ok ok nang gara kaw lawm na rai" nga di tsun ai da. Dai shaloi "E ngai gaw ngai ngai gaw ya naw yu na re" nga di dai hku htawng taw ai hpe she yu taw ai da. Dai hku rai taw shaloi hpabaw i bawlung htawng sai da. Htawng ai shaloi wa ntsa e chye pyen ai u ni gaw chye pyen ai re majaw apaw baw rau sha goal wa goal mat ai da. Dai pa-hta-ma paing (shawng daw na daw) kaw wa dai ntsa malen e pyen ai baw u ni wa bawlung shanhte shawng htawng bang dat ai nhkan e shanhte dang taw ai da. Dai dai shaloi i dang taw ai maga hta maga she kap mayu ai majaw dai patsip wa "Ngai gaw ndai singkaw ma tu ai re majaw ndai ntsa malen pyen ai maga ahpung kaw she lawm na" ngu di tsun ai da. Dai hku rai di bai htawng htawng htawng rai sai da. Dai hku bai htawng htawng re shaloi gwi bai gawdin bai goal htawng bang dat ai nhkan e rap rap ra ra e gwi bai htawng bang dat ai nhkan e lahkawng maga wa rap rap ra ra sha bai rai taw sai da. Dai shaloi wa dai patsip gaw kajawng wa sai da. Dai kajawng wa ai re majaw "E ngai jahkring mi naw hkring la na law" nga na bai hkring la taw ai da. Dai hku bai hkring la taw shaloi magwi wa bai htawng bang dat ai nhkan e u ni sum mat ai da. Dai rai na dai hku bai re taw ai shaloi gaw dai dang mat wa ai lagaw mali tu ai ni na nga ai lagaw mali tu ai dusat dumyeng ni na maga bai lawm na" ngu na bai tsun dat ai da. Dai shaloi da e grai ka-un na chyahkyi wa gaw san dat ai da "E hkau patsip e nang gaw u ni dang taw shaloi gaw u ni maga, ya anhte dang wa shaloi gaw ngai mung lagaw lahkawng ta lahkawng tu ai yawng lagaw mali tu ai re majaw gaw nanhte maga ngai bai lawm na nga di tsun ai ya kaning hku ma nang gaw htawra de jap jap ndai de jap jap rai htawra de kap le ra de kap sadi ndung ai, nmai ai" ngu di tsun ai da. Dai shaloi dai hku tsun di "Nang ndai anhte ni ginsup taw ai gawdin poi kaw nmai lawm sai" ngu na shi hpe tsun kau ai da. Dai re majaw grai gaya na dai shani kaw na shi wa mat ai da.

Sources