Details

Latitude

25.234

Longitude

96.9165

Start Date

2019-02-02

End Date

2019-02-02

Transcription (La Ring) Ndai maumwi na gabaw gaw grai ga shaga grai palek jin ai taukawk dingla na lam re ai aw tau kawk ding la ngu re ai. Moi shawng de da hka nawng langai mi nga ai da. Dai hka nawng kaw gaw da ga grai shaga grai palek jin ai taukawk dingla langai mi nga ai da. Shi gaw grai nan shinglet galu majaw kadai mung shi hpe nkam hkau la ma ai da. Raitim matsan dum ai e hka u hka u yan lahkawng yan la gaw shi hpe ga ni shaga ga rai di hkau la ai da. Dai hku re rai wa ginhtanwg ta mung du wa ai hte maren dai shanhte rawng taw nga ai hka nawng ndai wa hka hkyet wa hkyen sai da. Dai hpe jau na mu na hka dai hka nawng kaw na e ni nga npyaw na tsang na she a hka nawng kaw rawng taw nga ai dai taukawk dingla nga npyaw na tsang ai majaw dai hka u yan la gaw da "E aji taukawk dingla e nang hpe i ndai hka gaw kade nna yang hkyet hkyen sai. Ndai hka hkyet wa hkyen sai re majaw gaw nang mung si mat sana. Dai re majaw nang hpe nawng nnan de htawt da ya na raitim nang hpe htawt da ai shaloi i ga nau nmai shaga ai yaw" ngu di tsun ai da. Dai hku rai di "Ya nang hpe hpawtni ndai ndai nawng kaw na htawt da ya na yaw" ngu di na tsun ai da. Dai di dai taukawk dingla mung "Mai sa ngai hpe htawt da ya majaw chyeju dum sai dai majaw ngai ga mung nanhte ni ngai hpe ga nshaga shangun ai hte maren ngai mung ga nshaga na" ngu di tsun ai da. Hpang shani gaw da dai hka u yan la gaw dai taukawk wa hpe e shingna langai mi jaw ai da. "Gai aji ndai shingna kaw makrang u nang ga nmai shaga ai yaw" ngu ai da. "Nang ga shaga yang nang si sai yaw" ngu di tsun ai da. Dai hku rai na dai e shingna hpe makrang da shangun nna dai hka u yan la gaw shi hpe e hpai na pyen mat wa ai da. Dai wa shi gaw taukawk re hte maren singkaw ntu le i dai re ai majaw ga kaw sha nga taw taw re ai wa htaw shi hpe woi pyen mat na rai she ga npu de woi yu ai a nhkan e grai tsawm ai shara ni mu na hku nga. Grai tsawm ai shara ni mu ai taukawk wa ga, ga grai shaga mayu di nga nngut re wa koi hpang e wa shi hpe madun ai shara i shi wa grai nga ngwi nga pyaw dum na zawn zawn re shara langai mi hpe mu dat ai da. Dai wa "I ndai grai tsawm ai" ngu na wa ndum ai ga shaga dat ai wa makrang da ai shingna kaw na lut rai di htaw npu de byak rai na hkrat di si mat ai da. Dai re majaw ndai maumwi kaw na anhte hpabaw lu sharin la rai nga yang gaw kalang lang gaw tinang e ga grai shaga ai a nhkan e tinang na asak sum ai du hkra mai byin mat ai ngu hpe lu sharin la ai law.

Sources