Details

Latitude

25.234

Longitude

96.9165

Start Date

2019-02-02

End Date

2019-02-02

Transcription (La Ring) Ndai gaw ga grai shaga ai hte ga nshaga ai e ga grai shaga ai grai gumrawng ai u tawng hte ga nshaga ai hpaji rawng ai galang na lam re ai. Moi shawng de da u myu baw sumhpa ni nga ai mungdan langai mi kaw da u tawng mung nga ai zawn u hka ma nga ai da. U hka ma nga ai zawn u ri ni mung nga ai zawn galang ni hkaike ni hkum sumhpa nga lu ai da. Dai kaw gaw da grai tinang na hkum grai rai dum nna galoi ma shakawng shakat re ai u tawng langai mi nga ai da. Dai u tawng wa gaw da shi tsawm ai lam hpe mung kadai hpe mung grai mung shakawng ai nhkan e kadai mung nju ai da. Shi na hkum shi mung grai rai dum ai da. Dai hpe hpaji madun mayu ai hpaji rawng ai galang langai mi gaw da kaning hku hpaji madun yang kaja na kun ngu na shi galoi ma myit di nga ai da. Dai wa ang sha a wa u Hkaw Hkam ni na nga ai u Hkaw Hkam hpe sa nawku na nhtoi langai mi du wa ai da. Dai kaw dai u amyu baw sumhpa mung baw sumhpa ni yawng mung sa na sa ra ai da. Dai shaloi wa grai gawng ai dai u tawng ma lawm ai da. Dai wa Hkaw Hkam wa hpe bau wa jaw na shaloi wa shi na singkaw ni hpe marawng la na wa "Ngai grai tsawm ai" ngu ai hpe madun na matu shi wa sinda she shachyen hkra rai na shi na u amun ni yawng marawng nna sa wa ai da. Dai shaloi wa a kajawng sha wa nbung bung dat ai nhkan e shi na shi na hpang kaw na nbung bung dat ai nhkan e dai hku grai ma tsawm hkra rai na shachyen da tim maidang malawng ai hpe wa ashe dai u Hkaw Hkam wa wa mu kau dat ai da. Dai re majaw shi gaw i hpabaw i dai "Ngai hpe nhkungga na kaning re malawng mala re ai u tawng ndai wa ndai de gwi sa wa ai rai, shi hpe gawt kau mu" ngu di tsun na shi hpe gawt kau ai da. Dai shaloi galang gaw tsun dan ai da "Masha gaw tinang na tsawm ai kaw nau nmai gawng ai, ga mung nau nmai shaga ai, ngai zawn zawn zim zim nga na grai tsaw ai shara de pyen na mungkan yawng hpe grai tsaw ai shara kaw na yu ra ai" ngu na shi hpe e tsun dan ai da shi hpe tsun dan dat ai da.

Sources