Details

Latitude

25.234

Longitude

96.9165

Start Date

2019-02-02

End Date

2019-02-02

Transcription (La Ring) Ndai maumwi na gabaw gaw chyahkyawn hte dingla langai mi na lam ngu re ai. Moi shawng de da jaugawng ni hkan shachyut na aging lagat hprawng na grai na hkyi ba na tim si na hkrit ai nhkan e naw matut hprawng hkawm ra ai chyahkyawn langai mi gaw da hka mung grai lu mayu sai da nau hprawng ra ai a nhkan e. Hpang kaw na shachyut di hkan gap ai jaugawng ni na pala hpe hkrit tim mung e hkrit di hprawng ai kaw na mung shi grai hkring mayu sai da. Raitim shi si na hkrit ai nhkan e hprawng chyu hprawng, hprawng chyu hprawng hprawng chyu hprawng hkawm re taw ai da. Dai hku grai hprawng hkawm re taw shaloi i a yi yang langai mi kaw bungli galaw taw ai dingla langai mi hpe hkrum ai da. Dai re majaw dai dingla hpe shi hpang jahtum gaw kaning nchye di ai i majaw hprang na matu grai mung ba mat sai re majaw makoi na matu mahtang jang hkyen mat sai da. Dai re majaw dai yi galaw taw nga ai dingla wa hpe sa na karum hpyi ai da. "Aji e ngai hpe hka naw jaw lu rit ning ngai hpe hpang kaw na jaugawng ni shachyut na ngai si wa hkyen nga ai. Ngai hpe hka mung naw jaw lu rit chyeju hte ngai makoi na matu shara mung naw matsun rit" ngu di shi tsun ai da "Ngai nang hpe chyeju bai htang na nngai law" ngu na dai chyahkyawn wa mung tawngsi tawngban hte rau tsun ai da. Dai re majaw dai dingla wa mung "Maw maw maw maw" hka jaw lu na she "Ndai kaw makoi u yaw" ngu na shara langai mi madun dat ai da. Dai hku rai na shi dai chyahkyawn wa gaw dai shara mi kaw dai shi madun da ai shara mi kaw makoi taw nga shaloi kaja wa sha hpang kaw na aging rai na shachyut taw nga ai jaugawng uhpung ni gaw dai de sa wa ai da. Dai di dai dingla wa hpe san ai da. "Oi Aji ndai de i hprawng shang wa ai chyahkyawn langai hpe nmu i" ngu na san ai da. Dai shaloi dai dingla wa mung myi mi asum rai di "Nchye ai" nga na she lata gaw htawra dai chyahkyawn wa makoi taw ai shara de di di dat ya ai da. Dai hpe mu kajawng dat ai chyahkyawn wa gaw "Ga nchye ai nga na gaw ngai nga ai ngai makoi taw ai shara de lata e di di dat ya nga le" ngu di koi dai bai mu di ma ja bai myi di chyip bai hprawng mat wa ai da. Dai hku hprawng mat wa na hpang jahtum gaw shi lawt mat wa ai da. Raitim shi bai sharin la lu ai gaw "Masha ngu ai gaw kadai hpe mung nmai kam ai. Karum taw ai zawn zawn rai na kalang mi na aten gaw anhte hpe duhka chye jaw ai masha ni re ai" ngu na shi lu sharin la ai da. Ndai maumwi kaw na anhte ni hpabaw lu sharin la rai nga yang gaw tinang na hkum sha tinang kam na lam lu sharin la ai. Masha wa gaw tinang hpe grai karum ai wa mi zawn mi san tim lani mi na aten gaw anhte hpe yen kau da na re ai. Anhte hpe duhka ni jaw da wa na re ai ngu di anhte ni lu hkap la ai law.

Sources