Details

Latitude

25.234

Longitude

96.9165

Start Date

2019-02-01

End Date

2019-02-01

Transcription (La Ring) Maumwi kadun langai mi gaw mana ai ni hpe nmai jahpoi nmai asawng nmai roi ai lam. Moi shawng de mare langai mi kaw mana wa Ning Awn ngu ai langai mi nga ai. Mana dai gaw loi mana na rai loimi loi gaw ra ai masha gaw rai reng ai. Shi gaw raitim shi hpe gaw mana re ngu na masha e nau wa nsawn ai. Raitim shi gaw dinghku de ai. Dinghku de na shi madu jan hte rau lani mi gaw shi mayu ga de sa ai da. Sa ai lam kaw she lam kaw chyahkyi langai hkrum ai da. Chyahkyi langai hkrum rai jang she madu jan gaw chyahkyi dai hpe mu da shi gaw nmu da. Dai majaw madu jan gaw shi a shingnoi hte chyahkyi dai hpe dagup nna chyahkyi dai hpe rim la ai da madu jan wa. Madu jan lu ai chyahkyi re dai. Mayu nta de chyahkyi dai hpe hpai rai nna hpya nna chyahkyi shan dai gun nna mayu nta du rai jang gaw, "Ah chyahkyi shan wa i" ngu mayu ni gaw san jang gaw" Ndai gaw nhkri wa e hkwi ai re nhkri wa e gap lu ai re" ngu na tsun ai da. Dai shaloi she mayu katsa ni gaw "Mana wa mi chyahkyi pyi lu ai mana i" ngu na dai kaw na gaw shi hpe e nau wa jahpoi asawng ai lam ngalaw ai da madu jan a majaw. Rai jang she dai mare kaw nga ai aten e mare dai kaw sharaw grai ju ai da. Sharaw grai ju nna mare masha ni gaw grai sharaw nau ju nna hkrit na nta shinggan pyi nle mare shinggan pyi naw nle na daram rai hkrit ten re da. Rai jang gaw dai hpe she mare masha ni gaw dai mana wa hpe she "Ah nang gaw lam kaw pyi chyahkyi rim kamu ai wa gaw anhte mare sharaw dai ram ju ai ndai sharaw hpe sa rim su" ngu ai da. Shaloi gaw shi gaw rim jawm rim hkrit nna gari nna she sa gaw sa sai da. "Dai lam maga de sa u sharaw dai maga de grai ngoi ai grai nga ai" ngu dai sharaw ngoi ai maga de sa rai jang gaw kawa kran la na pali chyu shit pali chyu shit pali chyu shit ai da. Pali chyu shit rai na she kawa nhpang ngai de du nna htaw ntsa de lung nna htaw kawa hpun ndung kaw dung nna she pali shit nna nga re ten e she, sharaw mung sa wa ai da. Sharaw sa wa jang she sharaw mung shi hpe mu nna lung gaw nchye lung sharaw mung kawa re nga gaw kawa ntsa de nlu lung. Shi hpe gaw mu kaning gaw ndi re majaw she sharaw dai gaw shi nmai hte dai mana wa dung ai makau kaw she nmai hte she shala nmai hte shalut nna shala ai da. Shaloi she dai wa mana dai wa gaw sharaw nmai dai hpe jum tek nna shi shit da ai pali hte hkang tik tik hkang tik tik di nna hpang jahtum gaw sharaw mung shi nmai pali hte hkang da ai re majaw kawa hpun kaw na yu mung nmai na noi hkrai noi abya nna nga re hpe she mare masha ni sa du nna sharaw dai hpe e gap la nna sharaw lu la ai da. Dai shaloi kaw na she dai mana wa hpe jahpoi ai lam asawng ai lam shi hpe mana re ngu na shi hpe nsawn ai lam ngalaw ai sha mana raitim "Dai ram zet ai dai ram gwi ai dai ram share ai masha" ngu na shi hpe shagrau ai hkrum ai da.

Sources