Details

Latitude

25.234

Longitude

96.9165

Start Date

2019-02-01

End Date

2019-02-01

Transcription (La Ring) Shawng de mana langai nga ai da. Mana dai wa gaw yawng e nsawn ai masha. Rai jang she hkaw hkam lani mi na nhtoi hta shanhte mungdan kaw na hkaw hkam wa a kasha hkaw hkam kasha langai mi hkaw hkam wa a shayi sha langai mi grai tsawm ai da. Grai tsawm ai shayi sha raitim ga nshaga hkraw ai da. Ga gaw shaga masha raitim ga nshaga hkraw da. Kade kanu kawa e kade shaga tim ga shaga na matu shi hpe grai tsun tim ga nan nshaga hkraw da. "Hpabaw byin sai i" hkaw hkam kasha ndai gaw mu mat ni mung yawng hpaji rawng ai ni mung "Kaning rai na mana byin ai i mana gaw nbyin" raitim nshaga ai ga kam shaga mat wa ai da. Dai majaw mung ting hpe "Nye kasha hkaw hkam kasha ndai hpe e hkaw hkam shayi sha ndai hpe shaga hkra lu galaw ai wa hpe gaw hkaw hkam shayi sha ndai jaw na" ngu ndau dat ai da. Ndau dat ai shaloi she mana dai wa "Ngai galaw na ngai shaga hkra galaw na" ngu na shi gaw sa ai da. Sa ai shaloi she shi hpe grai jahpoi asawng ai da. Mare de na ni "Nang zawn re mana wa mi kaning di hkaw hkam shayi sha hpe shaga hkra lu galaw na i" ngu da. Shaloi she shi gaw u langai sat la nna gun. U langai hpe sat la nna nhpye kaw u langai sat nna tawk la rai na lahpaw kaw makai na gun. Di langai mi gun rai nna ndung nlung tawng lahkawng mung gun rai na hkaw hkam hkaw de sa mat wa ai da. Hkaw hkam kasha nga ai shara de sa rai jang gaw hkaw hkam kasha dai nshaga ai hkaw hkam kasha dai makau kaw du jang e shi mu ai makau kaw shi makau kaw she wan dap langai galaw la ai da shi. Galaw la nna dai nlung lahkawng hpe jun ai da shi dai kaw. Jun na she di dai kaw e mi shi gun ai u shan makai ma hpyan dan ai da. U shan makai katsing u shan katsing hpe ahkak nna lahpaw kaw makai na dai hpe hpyan di na u shan makai dai kaw na u shan hpe shaw di na di kaw bang di na hka ma bang di na wan wut ai da. Dai di kru hkrak gaw masum jun ra ai jung ra ai e shi gaw lahkawng sha jung nna dai kaw di dai shadun ai da. Shadun jang she wan wut nna prut sai da. Nnan she prut jang she di kru gaw lahkawng sha re majaw gaw di dai gaw galau mat. Rai na shan ni mung yawng hkaw mat ai da. Bai kalang mi bai hka bai bang la nna me she u shan ni mung bai bang rai na bai dun ai da. Dai hpe mu ai hkaw hkam kasha gaw yu nngut na she "Di kru ngu ai gaw lahkawng jun ai baw nre gaw masum jun yang she ngalau ai gaw" ngu shaga ai da. Dai kaw na di kru masum jung na dun nna she u shan dai hpe jahkut la ai da. Dai shaloi shi dai hkaw hkam kasha shaga ai hpe shaga hkra lu galaw ai da. Bai kalang mi bai rai jang gaw shi dai shi hpe dai shaloi sha matut nna udi langai gun ai. Udi udi ndai udi dai hpe dai hkaw hkam hkaw kaw na ali ama ni hpe shadu shangun ai da. Shadu shangun na hkaw hkam wa man kaw she yen na matu udi hpe yen na matu yen na matu jaw rit ngu hpyi ai da. Dai shaloi she udi dai hpe yu hkrai yu yu hkrai yu yen na matu shi gaw gara hku mung nchye yen da. Rai na "Hpabaw yu ai i lawan yen u le" ngu ai da rai yang she "Ngai udi matu tam ai re" ngu ai da. "Udi matu tam matu tam nmu ai majaw re" ngu yang she "Udi gaw matu tam mu ai baw re i" nga. "Nang kade ram yu tim udi gaw matu nnga ai gaw dai hku ga nna yen u le" ngu ai da. Dai shaloi mung hkaw hkam jan a kasha gaw shaga re re majaw la dai wa hpe hkaw hkam kasha dai hpe jaw sha kau ai da.

Sources