Details

Latitude

25.234

Longitude

96.9165

Start Date

2019-02-01

End Date

2019-02-01

Transcription (La Ring) E moi salang ni tsun ai ndai u gaw hkawngrang gaw shi a kasha bau karum na matu gawrehka hpe saw ai da. "Hpang de nang ra ai hpe mi lata la u yaw" ngu na saw ai nga hku rai nga. "Hpang de nang ra ai mi lata la u" ngu nna ga saw ai da. Dai shaloi gaw gawrehka gaw dai hku karum na nga e dai kasha bau karum nna nga rai yang gaw kasha ni kung kaba wa rai yang gaw u gaw hkawng rang gaw kalang mi shang ai kaw na gaw kanu mung kasha ni kung yang she pru ai hku rai nga. Kasha ni kung yang she pru yang gaw hkawng rang ja ai kaw gaw atsawm sha hpun hpungkraw kaba hpe ndai u la wa gaw kalang ta ga gam hte chi nna htep n-gup sha dap mai ai. Shat sha bang jaw mai ai. Rai nga yang gaw dai hku nna gawrehka gaw bau karum rai yang gaw kasha ni kung sai i nga yang gaw pru wa ai da. Dai yang gaw kanu hte kasha ni gaw maren tsawm da. Rai yang gaw "Bai ya nang lata la u gara wa mahtang la na i" ngu yang gaw dai kanu kasha mi shang ai kaw na npru ai nga yang gaw kanu wa mung hkalung tsawm tsawm mat kasha ni kanu ni bai nshakya rai yang gaw kanu hpe mahtang "Ndai le ngai la na" ngu ai da. Rai yang gaw "Kai ndai gaw nyi hkawp she re gaw" ngu ai nga yang gaya nna "Grak" ngu na hprawng ai nga ai hku rai nga.

Sources