Details

Latitude

25.234

Longitude

96.9165

Start Date

2019-01-31

End Date

2019-01-31

Transcription (La Ring) Moi shawng de shalawa ngu nga ai da. Dai shalawa gaw ndai moi sha-u sha-ing yang wa she, sha-u hka hkyet mat re hpang e mang hta sha hkawm ai shalawa rai nga. Shinggyim masha mang hta sha nna nga ai shalawa ngu nga ai da. Rai yang Ja Nyi hte Ja Nga gaw sha-u hka hkyet ai nga she dai tsing dawt hpaw dat yang gaw shan gaw bai pru rai yang gaw kadai shinggyim masha mung nnga wawt shawa ahkying ahkang nga akrin akraw rai yang gaw shan gaw e wan wut di dung nga yang she ndai shalawa gaw du ai hku rai nga. "Ga.. akrin akraw rai shalawa mun mung kata lu na sha hpa lu shan sha shan du sai lo, mu sai lo" nga nna dai yan hpe e dai shalawa she Ja Nyi hte Ja Nga hpe jawm ai da. Rai yang gaw dai yan gaw hprawng hkrai hprawng, hprawng hkrai hprawng rai nna e htaw.. kadun ai hku ngu ga le manang ni mung grai hkai sai gaw. Shalap wa kaji shalap wa kaw du rai yang gaw dai kaw du rai yang gaw shalawa mung hkan nang rai yang gaw dai Ja Nyi hte Ja Nga hpe gaw kaji sharap wa e gaw htaw.. garap rap ding e makoi da ai da. Rai yang gaw dai shalawa du yang gaw "Hka nang kaw lu shan nshang ai i sha shan ndu sai i Ji e" nga yang "E.. ndu a nmu a" ngu. Rai yang htawra yan gaw nau hkrit nna she jit byep nna jit yun wa yang gaw, yun wa yang gaw "Ah.. nang kaw manam a lu shan manam a, sha shan manam a" nga "Ah nre a ndai gaw madoi tsa hku rai a ngai tsa bu tawn ai makai e tsa yat re" ngu tim mung "Du ai lo nga ai lo" nga "Ah nnga a, rai yang gaw la mu oi" ngu nna she dum sati ti htit di nna wan wut dajaw nna hpri sumhtawng ngu ai hpri ju hkyeng sai i nga hka hpunlum mung prut yang e "Ya le ra jahpung maga n-gup mahka mu" ngu nna she le jahpung ngu na shinjang maga n-gup mahka nna nga shangun rai yang she hpri sumhtawng bri di nna dai hka hpunlum mi sawk di yang gaw jahtau nna hprawng yang she le.. "Le.. rum woi ai de lo ladawng tu ai de lo" ngu nna marawn let shara tsun di majaw ya ndai shalawa ngu gaw jahtung lep tai nna le rum ningtum masha ndu ai shara de nga ai. Nga ai hku na hkai ai hku nga kaga htaw de le de nhkai sa ngai manang ni mung grai hkai ang sa.

Sources