Details

Latitude

25.234

Longitude

96.9165

Start Date

2019-01-30

End Date

2019-01-30

Transcription (La Ring) Ya maumwi langai mi bai tsun ga nga yang moi.. salang ni jahta ai maumwi dai gwi hte bainam a maumwi ya du hkra shan gaw npawng hkat ai hpring ai shada nhkau hkat ai maumwi langai mi nga ai. Moi... shawng de da e gwi gaw rung tu ai.. da. Rai she shi gaw shan hpu shan nau rai na hku rai nga dai bainam hte e gwi gaw. Rai yang she rung mung raw mung mai ai baw re da law dai gwi na rung dai gaw. Rai yang gaw lani mi na nhtoi hta e da bainam gaw gwi hpe e "Hpu e.. hka shin sa ga" ngu na hku rai nga. "Hka shin sa ga" ngu yang e bainam e gwi hpe saw yang "E sa ga le" nga na sa ai da. Sa.. rai yang gaw gwi hte bainam gaw hka shin nga ai.. nga. Hka shin gwi hka e hpinlip nga ai ahkying aten hta e bainam gaw dai rung hpe e la nna e larau ladau rai nna shi a baw de e chyawp nna kagat hprawng wa ai da. Kagat hprawng wa dai she gwi bai pru yu yang gaw bainam nnga "Ah... nye manang wa nye kanau wa sai ngai mung wa na" nga yang gaw e yu yang gaw shi a rung dai nnga "E ya kanang tai sai kanang de e yawng sai" nga yu yu yu rai yang gaw ah hkan shi a hkang hpe hkan yu yang she gaw htaw.. bainam wa she gwi shi a rung hpe e shachyaw nna shangang nna nga ai hpe e gwi mu ai da. Rai yang she gwi gaw "E nang gaw ngai na rung hpa di la ai i shabai ya rit" ngu na e hpyi ai. Raitim shi gaw e nshabai ya nna hprawng ai da. Hprawng nna shachyut nna hpring ai e daini du hkra dai majaw daini... du hkra gwi hte bainam gaw hkrum shagu e hpring ai gaw dai shi a rung la ya ai majaw hka ji ai re... nga nna salang ni jahta ma ai. Dai shani kaw na shi mung dai e gwi e bai la na hpe e tsang nna daini du hkra shi gaw hka ngabye hka nshin ai. E hka lu nau nmu ai shi hpe e dai gaw dai gwi hpe e dai shi na rung kashun la na hpe e bai la na tsang ai majaw re nga nna maumwi hta e na lu ai hku re. Dai majaw daini du hkra e masha a arai hpe e sumraw yang "Bainam rung zawn hkum re" nga nna salang ni tsun tsun ma ai. Dai gaw hpa i nga yang dai sharawng nna shi gwi na rung hta nna chyawp ai majaw daini du hkra e "Bainam, bainam rung zawn hkum re bainam zawn hkum re" nga nna manang jinghku jingyu manaw manang hpe e shadum shadum ai lam daini du hkra nga ai gaw dai gwi hte bainam a maumwi kaw na re nga nna tsun ma ai.

Sources