Details

Latitude

25.234

Longitude

96.9165

Start Date

2019-01-28

End Date

2019-01-28

Transcription (La Ring) Gai.. daini anhte e.. Jinghpaw myu sha ni hkai hkrat wa ai maumwi le i dai ya pa ga de gaw hkrai naw hkrai gam ngu rai nga. Ya nang de gaw mana wa ning un hpung wa hpung kamun nga rai nga. Dai ya anhte Jinghpaw myu sha ni gaw e.. wa hpung kamun ngu ai.. "Wa" ngu ai gaw shagrau sha-a hkam ai hpe i, shagrau sha-a hkam ai wa shi shabyin lu ai wa ngu ai dai wa mying ngu ai gaw "Wa" ngu ai gaw "Shabyin lu ai atsam lu ai wa" nga ga rai nga. "Hpung" ngu ai gaw shi a, hpung ngu ai gaw shingkang shingwang hpe e, hpung shingkang shingkang shingwang e amyu mi ngu ga nga jang daini htoi kabrim ai dai e mung shi a hpung shingkang ngu na shingkang shingwang hpe e "Hpung" ngu nna lang ai rai nga. Bai nna "Muen ngu ai gaw shi gaw galu kaba ai e daini ngau shi e hkum bawng ring ai galu kaba ai galu mung galu, kaba mung kaba ai, atsam mung rawng ai hpe e "Pun" ai ngu na shi gaw kung kyang ai" ngu ai re. Ngu ai re dai wa hpung kamun nga dai ni gaw e dai hku re. Moi... anhte shinggyim hte e nat ngu ai e nga ai. Raitim "Shinggyim gaw nat ni hta grau atsam nga ai" ngu ai ya daini du hkra "Nbu lung" ngu ai dai nga ai. Dai she moi.. dai yan gaw mana wa ning un ngu ai dai wa gaw e.. kanau, hpung kamun ngu ai gaw kahpu, dai gaw ya anhte ginru ginsa woi hkrat wa ai ya htaw.. ma sha galang gap ai nga ni grai naw nga ai. Raitim shan ngun shaja shingjawng ma ai da. Mana wa ning un gaw shi mung grai ngun ja ai la wa re da. E hpung kamun ngu ai wa, hpung kamun ngu ai wa mung grai.. ngun ja ai raitim hpung kamun gaw shinggyim masha maga lawm wo ra gaw si mat ai majaw nat maga lawm.. re hku rai nga. Rai yang she lani mi na nhtoi hta gaw "Bai.. nang hte ngai ngun ja shing jawng ga" nga nna ya htaw.. htawra shang hka ngu ai ya de mali hka kaw zup ai shang hka ndai kaw she ngun ja shing jawng ma ai.. da. Ngun ja shing jawng yang e.. mana wa ning un ngu gaw ya shang hka a sinpraw hkran de shi gaw shing jawng ai shi a marai. Bai hpung kamun ngu ai gaw shang hka a sinna daw hta e shi gaw marai dai kaw shapraw ai. Shapraw rai yang hpabaw hte shapraw na nga yang, nlung kaba law ai ya dai hisky langai daram gaw kaba na hku nga shi na lung pat (kaba dam de) gaw pe 30 ram gaw kaba ai. Pe 30.. pe 25 ram gaw kaba ai e lung pat kaba.. hpe e "Nang gaw wo ra de e wo ra hkran de e mara u, ngai gaw nang hkran na kaw e mara na" nga nna mana wa ning un gaw hpai.. nna sinpraw hkan de mara nngut nna ya du hkra wo ra daini nbu lung ai wo ra hkran de e mana wa ning un aw ai bum ndai gaw kahpai nna hka kaw taw ai. Shinggyim ginru ginsa hpe e woi ai e.. nwa hpung kamun gaw ya daini du hkra dai pyen, pyen ngu gaw nga hkwi nga ja ai shara hpe e pyen nga ai. Ndai lawu kaw e daini du hkra shi ka-aw mara da ai nlung daini du hkra nga nga ai hku re. Dai majaw dai nwa hpung kamun gaw shinggyim maga marai shapraw, mana wa ning un ngu wa gaw nat maga atsam shapraw.. rai nna shinggyim masha maga lawm ai nwa hpung kamun gaw mara ngut.. wo ra nat maga lawm ai mana wa ning un gaw aw nngut na daini du hkra kahpai nna nga ai... nga na ya daini du hkra shang hka kaw e dai lamik kumla i nga ai. Dai gaw anhte Jinghpaw myu sha ni a maumwi mung rai, mabyin zawn zawn mung rai na hku rai nga. E jiwa ni a marai hpe e dai kaw e mu lu ai hku re.

Sources