Details

Latitude

25.234

Longitude

96.9165

Start Date

2019-01-28

End Date

2019-01-28

Transcription (La Ring) Dai.. ya na rap ra ai tara ngu ga le dai upade shi a.. e hte e seng ai Jinghpaw maumwi nga ai. Ndai maumwi gaw, moi.. shawng de da mare langai mi kaw la law ma htinggaw mi nga ai da. Dai she la law ma htinggaw shanhte gaw la law ai majaw hpa amu mi byin tim masha ni karum ningtum na mung shanhte chyu, masha hpe e karum ningtum mung shanhte lu ma ai da. Dai mare kaw nan jahkrai ma ngu ai kanu mung si kawa mung si re ai jahkrai ma e kawoi Dwi hte e nga kaba ai shabrang kasha langai mi mung nga ai da. Nga... re ten hta e lani mi na nhtoi hta gaw shanhte Htinggu hpun moi anhte Jinghpaw Wunpawng sha ni gaw mare dingsa kaw e shing nrai manau dum yang shing nrai poi lamang lama ma galaw yang, e shara htuk ai hkan tinang a Htingu ngu ai Htinggu hpun kaba ba law ai Htinggu hpun hkai ma ai da. Hkai.. rai yang gaw dai kaw gaw e.. nam nga dusat dumyeng ntsa malen pyen ai, ga e hkawm ai jahkyi shan nga, uri ugam, ntsa malen pyen ai usu ugaw, chyangngau hkum hkra sha ai... da. Dai she dai hta e shanhte shan hkam ma ai da. La law ma ni shawng sha nna ndai makau mayang e mahkam hkam da ma ai.. da. Mahkam hkam da rai yang gaw hpang gau ngwi she kawoi Dwi kashu ma jahkrai ma gaw ndai namsi sha ai shara de shi mung du.. re majaw "woi Dwi e.. ngai mahkam hkam na" ngu tsun yang woi Dwi gaw "E.. ngai shu e.. hkum hkam u ya nang amyu myu byin yang an kawoi Dwi sha gaw an hpe e karum ningtum na masha nnga ai, dai majaw e hkum hkam u, Dwi hte hpami rai rai daini lu daini sha rai na nga ga" ngu ai da. Rai she.. "E.. Dwi e sa na re.." nga nna ahkaw ahkang kaba hpyi let e.. "E.. ngai shu e sa na nga yang atsawm.. rai u yaw, masha ni hkam ai shara kaw hkum hkam, hkum shut" ngu nna kawoi Dwi e htet dat ma ai da. Htet dat rai yang gaw ma dai gaw dai Htinggu hpun nga ai shara de sa du rai nna mahkam hkam na shara tam yu tim nmu ai. La law ma ni shanhte gaw hkaraw, layang hpun makau hkan yawng.. hkam ma ai da. Dai majaw jahkrai ma gaw shi a atsam marai dat rai let e htaw... e (Loi hpyet kau ga i, hpyet mai na kun?) rai yang gaw.. e dai kaw loi mi (Ndai hpyet kau u lo ndai nmai sai).

Sources