Details

Latitude

25.234

Longitude

96.9165

Start Date

2019-01-28

End Date

2019-01-28

Transcription (La Ring) Moi shawng de shan hkau lahkawng nga ai da. Dai yan gaw kaning nga i nga yang gaw "E hkau e, hpaga ga sha ga" nga ai hku rai nga langai wa gaw. Rai yang gaw langai wa gaw "E nre hkau e, dinghku she shang ga" nga ai. Rai yang gaw langai wa gaw hpaga ga sha na nga, dinghku she shang ga nga shan hkau dai hku tsun rai na langai mi gaw "Dai rai yang gaw ngai hpaga ga sha na e.. " nga ja gumhpraw tam le i, moi gaw hpaga ga ai nga ga rai nga. "E ngai sa na e" nga na sa wa langai wa gaw dinghku de nna nga ai da. Rai yang gaw hpang de e ndai dinghku de ai wa mung ma lu sai le i, dap grup ngu re gaw nta kaba ndap wan hkra na nga ai re gaw. Dap grup re nga gaw Naw, Gam, Kaw, La, Tu yawng hkum mat sai le. E dai hku nna shi shadang mayat maya rai na nga yang gaw, wo ra hpaga ga ai wa gaw ja gumhpraw lu na wa rai yang she, "Bai ya hkau e an yu ga, kadai wa grau akyu nga ai" ngu yang she ndai ma.. dinghku de ai wa gaw "Gai le mai sa rai yang gaw oi" nau nna shi gaw kasha ni hpe shaga la rai nna dung grup rai dung nna "Gai.. Kaw nang le hka ja su ngu, gai Gam nang ndai hpun hta u ngu, ma ni langai hte langai hpe shangun ai ran di" na hku rai nga. Rai yang e ndai kahkau hpaga la wa hpe "Gai, ya hkau nang, nang ja gumhpraw lu, na gumhpraw majaw hpe shangun u" ngu yang gaw gumhpraw majaw wa gaw hpa n shangun nga mat ai da. Dai majaw ndai dinghku de ai ngu ai gaw grau ai ngu ai le i. "Dinghku de ai gaw grau na madung re" ngu ai.

Sources