Details

Latitude

25.234

Longitude

96.9165

Start Date

2018-12-14

End Date

2018-12-14

Transcription (La Ring) Ya ngai tsun dan na gabaw gaw "Majun" ngu ai re. Anhte Jinghpaw wunpawng sha ni hta "Majun" ngu nga ai. ndai "Majun" gaw hpabaw hpe tsun a ta nga yang shawng ndai mungkan ga e byin mabyin yawng gaw ma hkraw gaw byin mabyin ma hkra gaw "Majun" nga ai. I dai "Majun" hpe nkau mi gaw maumwi mausa shadu ai. Shi gaw maumwi mausa nre shi gaw "Majun" re. "Majun" ngu ai gaw langai ngai a byin hpang wa ai lam a ningpawt ninghpang hpe ngu ai. Ga shadawn "Nga (fish) ni shinglet ntu ai" "Majun" gabaw gaw ndai rai sa. Daini "Nga" ni shing let ntu gaw hpa majaw nga yang moi hpang ningsang e nga manga yawng hpe hpan tawn da sai. Dai kaw dusat dumyeng hpun kawa tsingdu tsingman ni yawng hpan da ngut ai hpang shinggyim masha hpan na rai yang zuphpawng galaw ai da. Dai gaw dusat dumyeng ni hpe shaga nna "Ngai ya shinggyim masha hpan na, nanhte na shat mai kadai tai na" nga jang "Nga' ni wa she "Anhte tai na ga ai" nga "Nga" ni gaw rai yang she u ni mung "dai shat mai kaw anhte mung lawm na ga ai" nga "Nga" ni gaw "Anhte gaw pai maga na garep kaw di sen mi hkra maga na garep de di sen mi di na shalaw jahtam na shinggyim masha ni a shat mai tai na ga ai" nga na bai tsun. "E lama anhte ga sadi nteng yang gaw si tim myi ndi na ga ai" nga mi re da. Kaja wa shinggyim masha hpan nna shinggyim masha ni gaw "Nga" ni hpe madim ja madim ja nna hkwi sha yang gaw "Nga" ni raw raw law law ru si rim si yang gaw shanhte gaw bai loi myit malai nna "E anhte yin la ai ga sadi gaw shut sai law hpan Madu hpe kalang bai sa hpyi nem ga. Ga sadi lai ya na matu tsun ga" ngu ai da. Rai yang she ndai sa tsun ai da hpan Madu kaw hpan Madu kaw sa tsun ai "Hpan Madu e nli htum na hkyen ga ai shinggyim masha ni nau hkwi sha majaw" nga na wa tsun jang she hpan Madu gaw "Nga" a shinglet tsut di "Ga hkum shaga mi kalang yin la sai ga sadi hpe lai nmai ai, lai nmai ai" ngu da. Dai shani kaw na shi gaw shinglet ntu mat ai da. Dai, daini du hkra shi a gasi hte maren "Nga" ni si jang myi hpraw lau re myi ndi ai. Kaga dusat ni gaw shinggyim masha kawn hkawt yawng gaw si jang myi di ai. E ya "Nga" ni gaw myi hpraw lau rai na gaw dai majaw moi na salang ni gaw "sadi ndung jang i "Nga" ni zawn shinglet ntu na lu" nga na tsun ma ai. Ndai gaw "Majun"ma re anhte Kaji Kawa ni anhte hpe sharin ai re. Ngai hpe e ndai maumwi ndai tsun dan ai gaw ndai "Majun" hpe tsun dan ai gaw Putao Hpak Ma ga na Hpungtau Nhkyi Pang re. Shi gaw dai kaw na htawt Namati Kan La kaw nga yang lai wa sai 1998 ning shaning n nga mat sai Hpungtau Nhkyi Pang re. Moi na salang kaba re. Ndai gaw ndai "Majun" hte maumwi i "Nga" ni shinglet ntu ai "Majun" nga nna salang ni hkai dan ai re.

Sources